ଆଇସିସି ମହିଳା ଟି-୨୦ ବିଶ୍ୱକପ: ସବୁଠୁ ସଫଳ ଦଳ ଓ ଭାରତର ପ୍ରଦର୍ଶନ
Srikant Kumar Rout
4824
ଅଷ୍ଟ୍ରେଲିଆ ପୁରୁଷ କ୍ରିକେଟ ଦଳ ଭଳି ମହିଳା କ୍ରିକେଟ ଦଳ ମଧ୍ୟ ଏହି ଟୁର୍ଣ୍ଣମେଣ୍ଟରେ ଦବଦବା ଜାରି ରଖିଛି । ମୋଟ ଆଠଟି ସଂସ୍କରଣରୁ ଅଷ୍ଟ୍ରେଲିଆ ୬ ଥର ଚାମ୍ପିଅନ ହୋଇଛି । ଏଥସହିତ ଥରେ ମଧ୍ୟ ରନରସ ଅପ ହୋଇଛି । ତେଣୁ ମହିଳା ଟି-୨୦ ବିଶ୍ୱକପରେ ସବୁଠାରୁ ସଫଳ ଦଳ ଭାବେ ଅଷ୍ଟ୍ରେଲିକୁ ବିବେଚନା କରାଯାଏ ।
ମହିଳା ଟି-୨୦ ବିଶ୍ୱକପରେ ଭାରତ
ପୁରୁଷ କ୍ରିକେଟରେ ଭାରତ ବେଶ ସଫଳ ହୋଇଛି । କିନ୍ତୁ ମହିଳା କ୍ରିକେଟ ବିଶ୍ୱକପରେ ଭାରତର ପ୍ରଦର୍ଶନ ନୈରାଶ୍ୟଜନକ ରହିଛି । ଭାରତୀୟ ମହିଳା ଦଳ ଟି-୨୦ ବିଶ୍ୱକପର ୮ଟି ଯାକ ସଂସ୍କରଣରେ ଭାଗ ନେଇଥିଲେ ବି ଏ ପର୍ଯ୍ୟନ୍ତ ଚାମ୍ପିଅନ ହୋଇପାରିନି । ୨୦୨୦ ବିଶ୍ୱକପରେ ଭାରତ ଚମକ୍ରାର ପ୍ରଦର୍ଶନ କରି ଫାଇନାଲକୁ ଯାଇଥିଲେ ବି ଚାମ୍ପିଅନ ଆଖ୍ୟା ପାଇବାରୁ ବଞ୍ଚିତ ହୋଇଥିଲା । ଫଳରେ ଦଳକୁ ରନରସ ଅପରେ ସନ୍ତୁଷ୍ଟ ହେବାକୁ ପଡ଼ିଥିଲା ।
