ବାଣ ତିଆରି ବେଳେ ଅଘଟଣ, ଜଣେ ଗୁରୁତର

ଆସିକା: ଦ୍ୱିତୀୟ ଶିବକାସି ରୂପେ ପରିଚିତ ଗଞ୍ଜାମ ଜିଲ୍ଲା ଆସିକାର ନଳବଣ୍ଟା ଗ୍ରାମ । କିଛି ଅଘଟଣ ଘଟିଲେ ପୁଲିସ ପ୍ରଶାସନ ଚେଇଁ ଉଠୁଛି । ଯେମିତି ବାଣ ଭିଡିଲା ବେଳେ ବାବୁଲା ନାୟକଙ୍କ ଡାହାଣ ହାତର ପାପୁଲି କେରକେରା ହୋଇଯାଇଛି । ପ୍ରଥମେ ଆସିକା ୟାପରେ ବ୍ରହ୍ମପୁର ସ୍ଥାନାତରିତ କରାଯାଇଛି । କୁହାଯାଇଛି ତାଙ୍କୁ କୁଆଡେ ବିଶାଖାପାଟଣା ନେବାକୁ ସମ୍ପର୍କୀୟ ମାନେ ଚେଷ୍ଟା କରୁଛନ୍ତି । କଣ ହେବ କିଛି କହିହେବ ନାହିଁ । ଆଶ୍ଚର୍ଯ୍ୟର କଥା ଏ ସମ୍ପର୍କରେ ପୁଲିସରେ ମେଡିକାଲ କତ୍ତୃପକ୍ଷ ସୂଚନା ଦେଇନାହାଁନ୍ତି କି ଆହତଙ୍କ ନାମ ହସ୍ପିଟାଲର ରେଜିଷ୍ଟ୍ରରରେ ପଞ୍ଜୀକୃତ ହୋଇଛି । ସେମିତି ପୁଲିସ ଘଟଣାକୁ ଚପାଇବାକୁ ଯେନତେନ ଉପାୟ କରି ଗ୍ରାମରେ ପୁଲିସ ଫୋର୍ସ ଯାଞ୍ଚ ପକ୍ରିୟା ଆରମ୍ଭ କରିଛି । ଏପରିକି ଗ୍ରାମରେ ବାଣ ବିକ୍ରି ବନ୍ଦ କରିବାକୁ ଉଦ୍ୟମ କରିଛି । ଏଠି ଉଲ୍ଲେଖ ଯୋଗ୍ୟ ଏହି ଯେ, ବର୍ଷ ତମାମ ନଳବଣ୍ଟା ଗ୍ରାମରେ ଭଳିକି ଭଳି ବାଣ ପ୍ରସ୍ତୁତ ହୁଏ । ବିଶେଷ କରି ପ୍ରଚଣ୍ଡ ଶବ୍ଦକାରୀ ବାଣ ପାଇଁ ଏହି ଗ୍ରାମ ସର୍ବଦା ଫେମସ । ଖାସ କରି ଦୀପାବଳୀ ସମୟରେ ନଳବଣ୍ଟାର ଘରେ ଘରେ ଖୋଲା ଯାଇଥାଏ କୁଟୀରଶିଳ୍ପ । ସେମିତି ବିଲରେ, ନଦୀ ପଠା ଏବଂ ହିଡ ମାନଙ୍କରେ ଏହି ବାଣ ତିଆରି ହୁଏ । ଏଥିପାଇଁ ଗ୍ରାମ ସବୁ ବେଳେ ବାଣ ପାଇଁ ଚର୍ଚ୍ଚାରେ ରହି ଆସୁଛି । ନଳବଣ୍ଟା ଗ୍ରାମରେ ପ୍ରାୟ ଅନେକ ପରିବାର ବେଆଇନ ବାଣ କାରଖାନା କରି ବର୍ଷ ତମାମ ପରିବାର ପ୍ରତିପୋଷଣ କରୁଛନ୍ତି । ଏହା ପୁଲିସ ଓ ପ୍ରଶାସନ ଜାଣି ମଧ୍ୟ ଏହି ବେଆଇନ ବାଣ ତିଆରୀକୁ ରୋକାଯାଇପାରୁନାହିଁ ଯାହାକୁ ନେଇ ପୁଲିସର ପାରିବା ପାଣିଆକୁ ନେଇ ସାଧାରଣରେ ଚର୍ଚ୍ଚା ହେଉଛି । ଦୀପାବଳି ପୂର୍ବରୁ ନଳବଣ୍ଟା ଗ୍ରାମ ଉପରେ ଗତ ମାସ ୭ ତାରିଖରେ ଅଚାନକ ଚଢ଼ାଉ କରି ଏକ ଅଟୋ ଜବତ ସହ ପ୍ରାୟ ଲକ୍ଷଲକ୍ଷ ଟଙ୍କାର ବାଣ ଜବତ ସହ ୩ ଜଣ ଗିରଫ ହୋଇଥିବା ଏସ୍‌ଡ଼ିପିଓ ସାମ୍ବାଦିକ ସମିଳନୀରେ ପ୍ରକାଶ କରିଥିଲେ । ଆସିକା ଉପଖଣ୍ଡ ଅରକ୍ଷୀ ପୁଲିସ ଅଧିକାରୀ ସଞ୍ଜୟ କୁମାର ମହାପାତ୍ର ଏବଂ ଥାନା ଅଧିକାରୀ ରାଜେନ୍ଦ୍ର ପ୍ରସାଦ ପଟ୍ଟନାୟକଙ୍କ ମିଳିତ ଭାବେ ଚଢ଼ାଉ କରି ଆସିକା ଅଞ୍ଚଳରୁ ଦୁଇ ଜଣକୁ ଗିରଫ କରି ଥିବା ସୂଚନା ଦେଇଛନ୍ତି । ଆସିକା ପୁଲିସ ଥାନା କେସ ନମ୍ବର ୬୯୨/୨୪ରେ ରାଜେଶ ନାହାକ, ୬୯୩/୨୪ ରେ ପ୍ରତାପ କେଶରୀ ଖଣ୍ଡୁଆଳକୁ ଗିରଫ କରାଯାଇଥିବା ଉପଖଣ୍ଡ ପୁଲିସ ଅଧିକାରୀ ପ୍ରକାଶ କରିଛନ୍ତି । ଏଥି ସହିତ ଲକ୍ଷରୁ ଊର୍ଦ୍ଧଟଙ୍କାର ବାଣ ମଧ୍ୟ ଜବତ କରାଯାଇଥିବ ସୂଚନା ମିଳିଛି । ବୁଧୁବାର ସନ୍ଧ୍ୟାରେ ନଳବଣ୍ଟା ନଦୀ ସାହିରେ ବୋମା ବାଣକୁ ଫୁଟାଇବା ସମୟରେ କୋଦଳା ଥାନା ଇଲାକାର ବାବୁଲା ନାୟକଙ୍କ ଡାହାଣ ହାତର ପାପୁଲିରେ ଗଭୀର ଆଘାତ ଲାଗିଥିଲା । ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସ ଯୋଗେ ପ୍ରଥମେ ଆସିକା ଉପଖଣ୍ଡ ଚିକିତ୍ସାଳୟକୁ ଆଣିଥିଲେ । ଅବସ୍ଥା ଗୁରୁତର ଥିବାରୁ ତାକୁ ବ୍ରହ୍ମପୁର ମେଡିକାଲକୁ ସ୍ଥାନାସ୍ତରିତ କରାଯାଇଥିବା ଜଣାଯାଇଛି । ପୁଲିସ ପକ୍ଷରୁ ନଳବଣ୍ଟା ଏବଂ ଅଖପାଖ ଗ୍ରାମ ଉପରେ ତୀକ୍ଷଣ ନଜର ରଖାଯାଇ ବେଆଇନ ବାଣ ବିକ୍ରିକୁ ପ୍ରଶୟ ଦିଆଯିବ ନାହିଁ ବୋଲି ପୁଲିସ ପକ୍ଷରୁ କୁହାଯାଇଛି । ଆସିକା ଥାନା ଅଧିକାରୀ ଏକ ପ୍ଲାଟୁନ ପୁଲିସ ଫୋର୍ସ ଧରି ସନ୍ଧ୍ୟାରେ ଚଢ଼ାଉ ଜାରି ରଖିଥିବା ଜଣା ପଡିଛି ।