ଦୁର୍ନୀତି ନିବାରଣ ଉପରେ ସଚେତନତା ରାଲି
Jitendra Kumar Jena
5706
ଆସିକା: ଆସିକା ଖମ୍ବେଶ୍ୱରୀ ପାଟଣାରେ ଥିବା ସରକାରୀ ନିରଞ୍ଜନ ମହିଳା ମହାବିଦ୍ୟାଳୟରେ ଦୁର୍ନୀତି ନିବାରଣ ସପ୍ତାହ ଅବସରରେ ସଚେତନତା ରାଲି ଆୟୋଜନ କରାଯାଇଥିଲା । ଆୟୋଜିତ ରାଲିକୁ ମହିଳା କଲେଜର ଅଧ୍ୟାପକ ଗଣେଶ୍ୱର ମାଝୀଙ୍କ ନେତୃତ୍ୱରେ ଜାତୀୟ ସେବା ଯୋଜନା ଓ ଜୁନିଅର ରେଡକ୍ରସର ମିଳିତ ଉଦ୍ଦ୍ୟମରେ ଏହି ରାଲି କଲେଜରୁ ବାହାରି ସହର ପରିକ୍ରମା କରି ଶେଷରେ କଲେଜରେ ପହଞ୍ଚିଥିଲେ । ଏହି କାର୍ଯ୍ୟକ୍ରମକୁ ଡ.ଲକ୍ଷ୍ମଣ କୁମାର ସୋରେନ, ଡ.ଜୟ ପ୍ରକାଶ ମହାପାତ୍ର, ଡ.ସରୋଜ କୁମାର ଜେନା, ଡ.ଓମ ନାରାୟଣ ରାଓ, ଡ.ଲୀଲା ଲିଲିଆନ, ଡ.ଜୟଶ୍ରୀ ମଲ୍ଲିକ, ସୁଶୀଲ କୁମାର ଆଚାର୍ଯ୍ୟ, ଚାନ୍ଦିନୀ ସେଠି, ଡ.ଉର୍ମିଳା ମୁଦୁଲି ପ୍ରମୁଖ ଉପସ୍ଥିତ ରହି ଏହି ରାଲି ଆୟୋଜିତ କରିଥିଲେ । କଲେଜର +୨ ଏବଂ +୩ ଶ୍ରେଣୀର ଛାତ୍ରୀ ମାନେ ଯୋଗ ଦେଇଥିଲେ । ଏହି କଲେଜ ରେ ସପ୍ତାହ ବ୍ୟାପି ବିଭିନ୍ନ ଦିବସରେ ବକ୍ତୃତା, ରଚନା, ରାଲି, ସ୍ଲୋଗାନ, ମାଧ୍ୟମରେ ସଚେତନତା କରାଯାଇଥିଲା ।
