ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ: ବଡ ଭାଇ ମୃତ, ସାନ ଗୁରୁତର
Srikant Kumar Rout
ଭୁବନେଶ୍ୱର: ଗଣେଶ ପୂଜା ଭସାଣି ବେଳେ ଉଭୟ ପକ୍ଷଙ୍କ ମଧ୍ୟରେ ଲାଗିଥିବା ଗଣ୍ଡଗୋଳରେ ବଡ ଭାଇର ମୃତୁ୍ୟ ହୋଇଥିବା ବେଳେ ସାନ ଗୁରୁତର ହୋଇଛି । ଏପରି ଏକ ଦୁଃଖଦ ଘଟଣା ଗଞ୍ଜାମ ଜିଲ୍ଲା ସୋରଡ଼ା ଥାନା ଅମୃତୁଲୁ ଗ୍ରାମରେ ଘଟିଛି । ଉଭୟ ପକ୍ଷଙ୍କ ମଧ୍ୟରେ ଲାଗିଥିବା ଗଣ୍ଡଗୋଳରେ ବଡ ଭାଇର ମୃତୁ୍ୟ ହୋଇଥିବା ବେଳେ ସାନ ଭାଇ ମେଡିକାଲ ଗୁରୁତର ହୋଇଛି । ମୃତ ବଡ଼ ଭାଇ ଜଣକ ହେଲେ ବାବୁ ସ୍ୱାଇଁ, ଗୁରୁତରଜଣକ ହେଲେ ଜିତୁ ସ୍ୱାଇଁ । ଅମୃତୁଲୁ ଗାଁରେ ଗତ ରାତିରେ ଗଣେଶ ଭସାଣି ବେଳେ ବାବୁ ଓ ଅଭିଯୁକ୍ତ ଲିପୁଙ୍କ ମଧ୍ୟରେ ହୋଇଥିଲା ବଚସା । ବଚସା ପରେ ଉଗ୍ରରୂପ ନେଇଥିଲା । ରାତିରେ ଉଭୟ ପକ୍ଷ ପ୍ରଥମେ ହାତାହାତି ହୋଇଥିଲେ । ବାବୁର ସାନଭାଇ ଜିତୁ ଘଟଣା ସ୍ଥଳରେ ପହଞ୍ଚି ଗଣ୍ଡଗୋଳର ମିମାଂସା କରିବାକୁ ଚେଷ୍ଟା କରିଥିଲେ । ମାତ୍ର ଅଭିଯୁକ୍ତ ଲିପୁନ ଓ ତାଙ୍କ ଭାଇ ମିଶି ଏକ ଧାରୁଆ କାତି ସାହାଯ୍ୟରେ ଦୁଇ ଭାଇଙ୍କୁ ଆକ୍ରମଣ କରିଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ଦୁଇ ଭାଇ ତଳେ ପଡ଼ି ଯାଇ ଚିକôାର କରିଥିଲେ । ଖବର ପାଇ ପରିବାର ଲୋକେ ଉଦ୍ଧାର କରି ସୋରଡ଼ା ମେଡିକାଲରେ ଭର୍ତ୍ତି କରିଥିଲେ । ମାତ୍ର ସେଠାରେ ବାବୁଙ୍କ ମୃତୁ୍ୟ ହୋଇଥିବା ବେଳେ ଜିତୁର ଚିକିସôା ଚାଲିଛି । ମୃତକଙ୍କ ପରିବାର ଲୋକେ ଏନେଇ ଥାନାରେ ମାମଲା ଦେବା ପରେ ସୋରଡ଼ା ପୁଲିସ ଘଟଣା ସ୍ଥଳରେ ପହଂଚି ତଦନ୍ତ କରି ଦୁଇ ଅଭିଯୁକ୍ତଙ୍କୁ ଅଟକ ରଖି ତଦନ୍ତ ଚଳାଇଛି ।
