ରାମାୟଣ ସହ ଦୀପାବଳିର ସମ୍ପର୍କ
ramachandra
Ramachandi Prasad
5714
ତ୍ରେତେୟା ଯୁଗର କଥା । ପ୍ରଭୁ ରାମଚନ୍ଦ୍ର ରାବଣକୁ ମାରି ମାଆ ସୀତାଙ୍କୁ ଉଦ୍ଧାର କରି ଅଯୋଧ୍ୟା ଫେରିଲେ । ଚଉଦ ବର୍ଷର ବନବାସ ପରେ ପ୍ରଭୁ ଫେରୁଥା’ନ୍ତି । ତେଣୁ ଅଯୋଧ୍ୟା ବାସୀ ଖୁସିରେ ବିଭୋର ହୋଇଗଲେ । ପ୍ରଭୁଙ୍କ ସ୍ୱାଗତ ପାଇଁ ସମସ୍ତେ ନିଜ ଘରେ ଦୀପ ଜାଳି ପରିବେଶକୁ ଆଲୋକିତ କରିଦେଇଥିଲେ । ପ୍ରଭୁ ଶ୍ରୀରାମଙ୍କ ଅସତ୍ୟ ଉପରେ ସତ୍ୟର ବିଜୟ ନିମନ୍ତେ ଆନନ୍ଦରେ ବିଭିନ୍ନ ପ୍ରକାର ଆଲୋକ ଜଳେଇଥିଲେ । ସେହି ଦିନରୁ ଏହି ଉତ୍ସବ ପାଳନ କରାଯାଉଛି । ଏବେବି ଉତ୍ତର ଭାରତରେ ରାମଭକ୍ତମାନେ ଦୀପାବଳିକୁ ବେଶ୍ ଜାକଜମକରେ ପାଳନ କରନ୍ତି ।
ଅନ୍ୟ ଏକ କିମ୍ବଦନ୍ତୀ ଅନୁଯାୟୀ, କାର୍ତ୍ତିକର ଘନ ଅନ୍ଧକାର କୃଷ୍ଣପକ୍ଷରେ ଏକ କାଳସର୍ପ ପ୍ରଭୁଙ୍କୁ ଦଂଶନ କରିବ ବୋଲି ଜଣେ ଭବିଷ୍ୟଦ୍ରଷ୍ଟା ଭବିଷ୍ୟବାଣୀ କରିଥିଲେ । ତେଣୁ ଅଯୋଧ୍ୟାବାସୀ ଏହାକୁ ପଣ୍ଡ କରିବା ପାଇଁ କୃଷ୍ଣପକ୍ଷ ସାରା ଆଲୋକ ଜାଳି ବସୁଥିଲେ ।
