ଥାନାରେ ବରିଷ୍ଠ ନାଗରିକ ସେଲ୍ ଅଚଳ

ାା ପ୍ରଭାନୁ୍ୟଜ ।ା କଟକ: କଟକ ସହରରେ ବରିଷ୍ଠ ନାଗରିକଙ୍କ ସୁରକ୍ଷା ଓ ସମସ୍ୟାକୁ ବୁଝିବା ପାଇଁ ଥାନାସ୍ତରରେ ବରିଷ୍ଠ ନାଗରିକ ସେଲ୍ ଗଠନ କରାଯାଇଥିଲା । ବରିଷ୍ଠ ନାଗରିକଙ୍କ ବିଭିନ୍ନ ସମସ୍ୟା ଓ ସେମାନଙ୍କ ମାନସିକ ଅଶାନ୍ତିକୁ ଦୂର କରିବା ପାଇଁ ଏହି ସେଲ୍ ବିଶେଷ ଭାବେ ଫଳପ୍ରଦ ହେଉଥିଲା । ହେଲେ ଥାନା ଗୁଡ଼ିକରେ ସଂପ୍ରତି ବରିଷ୍ଠ ନାଗରିକ ସେଲ ପ୍ରାୟତଃ ଅଚଳ ହୋଇପଡ଼ିଛି । ଫଳରେ ସହରର ବରିଷ୍ଠ ନାଗରିକମାନଙ୍କ ବିଭିନ୍ନ ସମସ୍ୟା ଆଉ ପୁଲିସ ପାଖରେ ପହଞ୍ଚô ପାରୁନାହିଁ । ଏହାକୁ ନେଇ ବରିଷ୍ଠ ନାଗରିକମାନଙ୍କ ସୁରକ୍ଷା ଓ ମାନସିକ ସ୍ଥିତିକୁ ନେଇ ବିରାଟ ପ୍ରଶ୍ନବାଚୀ ସୃଷ୍ଟି ହୋଇଛି ।

କଟକ ସହରରେ ରହୁଥିବା ବରିଷ୍ଠ ନାଗରିକଙ୍କ ସୁରକ୍ଷାକୁ ଧ୍ୟାନ ଦେବାକୁ କମିଶନରେଟ ପୁଲିସ ୨୦୧୬ ମସିହାରେ ନୂତନ ପଦକ୍ଷେପ ଗ୍ରହଣ କରିଥିଲା । ଥାନା ସ୍ତରରେ ବରିଷ୍ଠ ନାଗରିକ ସେଲ ଗଠନ କରାଯାଇଥିଲା । ଥାନା ଅଞ୍ଚଳରେ ରହୁଥିବା ବରିଷ୍ଠ ନାଗରିକଙ୍କ ତଥ୍ୟ ରଖି ସେମାନେ ଯେପରି ନିଜକୁ ଅସୁରକ୍ଷିତ ନ ମଣନ୍ତି ସେ ନେଇ କାମ କରିବାକୁ ନିଷ୍ପତ୍ତି ନିଆଯାଇଥିଲା । ସବୁ ଥାନାରେ ଜଣେ ଅଫିସରଙ୍କୁ ନୋଡ଼ାଲ ଅଫିସର ଓ ଜଣେ କନେଷ୍ଟବଳଙ୍କୁ ସହକାରୀ ନୋଡ଼ାଲ ଅଫିସର ଭାବେ ନିଯୁକ୍ତି ଦିଆଯାଇଥିଲା । ଏହା ପରେ ବରିଷ୍ଠ ନାଗରିକଙ୍କ ପଞ୍ଜୀକରଣ ପ୍ରକି୍ରୟା ଆରମ୍ଭ ହୋଇଥିଲା । କିଛି ନାଗରିକ ନିଜେ ଥାନାକୁ ଆସି ପଞ୍ଜୀକୃତ ହେଲେ ତ ଆଉ କିଛି ଅଞ୍ଚଳରେ ପୋଲିସ ନିଜଆଡୁ ଉଦ୍ୟମ କରି ସେଲରେ ନା ଚଢ଼ାଇଲା । ଯାହାର ସ୍ମାର୍ଟ ଫୋନ ଅଛି ସେମାନଙ୍କୁ ୱାଟସଆପ୍ ଗ୍ରୁପରେ ଯୋଡ଼ି ତଥ୍ୟ ଆଦାନ ପ୍ରଦାନ କରାଯାଇଥିଲା । ବରିଷ୍ଠ ନାଗରିକ ନିଜର ସମସ୍ୟା ବିଷୟରେ ପୁଲିସକୁ ଜଣାଇଲେ । ନିୟମାନୁସାରେ ଥାନାସ୍ତରରେ ପ୍ରତି ୩ ମାସରେ ବୈଠକ ଓ ପ୍ରତି ୧୫ ଦିନରେ ଥରେ ନୋଡ଼ାଲ ଅଫିସର ଘରକୁ ଯାଇ ବରିଷ୍ଠ ନାଗରିକୁ ଭେଟୁଥିଲେ । ଏପରିକି ବର୍ଷକୁ ଥରେ ସହରର ଶତାଧିକ ବରିଷ୍ଠ ନାଗରିକଙ୍କୁ ଏକ ବଡ଼ ସଭା କରାଯିବାକୁ ନିଷ୍ପତ୍ତି ହୋଇଥିଲା ଓ ତାହା ମଧ୍ୟ କାର୍ଯ୍ୟକାରୀ କରାଯାଉଥିଲା ।

କେହି ଘରଛାଡ଼ି ବାହାରକୁ ଗଲେ ପୁଲିସକୁ ଜଣାଇଲେ, ଘର ପାଖରେ କିଛି ଛୋଟ ବଡ଼ ସମସ୍ୟା ଥିଲେ ବି କହିଲେ, ପାରିବାରିକ କଳହକୁ ମଧ୍ୟ ଏହି ସେଲ ମାଧ୍ୟମରେ ସମାଧାନ କରାଯାଉଥିଲା । ତେବେ ସେଲ ଗଠନ ହେବା ପରଠୁ କିଛି ଥାନା ଅଞ୍ଚଳରେ ୨୦୨୦ ମସିହା ପର୍ଯ୍ୟନ୍ତ ସେଲ ପ୍ରାୟ ଠିକ୍ଠାକ୍ ଚାଲିଥିଲା । କିନ୍ତୁ କୋଭିଡ଼ ସଂକ୍ରମଣ ସମୟରୁ ସେଲ ଦିନକୁ ଦିନ ଅଚଳ ହେବାକୁ ଲାଗିଲା । ଦୀର୍ଘଦିନ ପର୍ଯ୍ୟନ୍ତ ନୋଡ଼ାଲ ଅଫିସର ଓ ସହକାରୀ ନୋଡ଼ାଲ ଅଫିସରଙ୍କ ନମ୍ବର ବନ୍ଦ ପଡ଼ିଲା । ୱାଟସଆପ ଗ୍ରୁପକୁ କେହି ଚଳାଇଲେ ନାହିଁ । ପୁଲିସ ଘରକୁ ଯାଇ ଭଲମନ୍ଦ ବୁଝିବା ତ ଦୂରର କଥା ତିନିମାସିଆ ବୈଠକ ବି ବସିଲାନି । ଏମିତିକି ଥାନାରେ କିଏ ନୋଡାଲ ଅଫିସର ଓ ସହକାରୀ ନୋଡାଲ ଅଫିସର ଅଛନ୍ତି ତାହା ମଧ୍ୟ ବରିଷ୍ଠ ନାଗରିକ ଜାଣି ପାରିଲେ ନାହିଁ । ନୂଆ ପଞ୍ଜିକରଣ ବି ବନ୍ଦ ହୋଇଗଲା । ଅର୍ଥାତ୍ ୨୦୧୬ ପୂର୍ବରୁ ସ୍ଥିତି ଯେମିତି ଥିଲା ଏବେ ପ୍ରାୟ ସମାନ ଅବସ୍ଥା । ଫଳରେ ସହରରେ ପୁଲିସ ନିକଟରେ ବରିଷ୍ଠ ନାଗରିକଙ୍କ ସମସ୍ୟା ଓ ସୁରକ୍ଷା ନେଇ କୌଣସି ସୂଚନା ନାହିଁ । ପୁଲିସର ଏଭଳି ବେପରୁଆ ମନୋଭାବକୁ ନେଇ କଟକ ବରିଷ୍ଠ ନାଗରିକ ମହାସଭା ପକ୍ଷରୁ ଉଦ୍ବେଗ ପ୍ରକାଶ ପାଇଛି । ମହାସଭା ପକ୍ଷରୁ କୁହାଯାଇଛି କିଛି ପରିବାରରେ ବାପା ମା’ ପିଲାଙ୍କ ଠାରୁ ଲା‚ିତ ହେଉଛନ୍ତି । ମାତ୍ର ବୁଝିବା ପାଇଁ କେହିନାହାନ୍ତି । ବରିଷ୍ଠ ନାଗରିକଙ୍କ ଏହିସବୁ ସମସ୍ୟାର ସମାଧାନ ପାଇଁ କମିଶନରେଟ ପୁଲିସ ପକ୍ଷରୁ ପଦକ୍ଷେପ ଗ୍ରହଣ କରିବାକୁ ବରିଷ୍ଠ ନାଗରିକ ମହାସଭା ପକ୍ଷରୁ ଦାବି କରାଯାଇଛି ।