ଇଟିକିଲି ମିଟିକିଲିର ସମାପନ ଉତ୍ସବ
Jitendra Kumar Jena
ଜୟପୁର: ଶିଶୁ ଦିବସ ଉପଲକ୍ଷେ ଜୟପୁର ସିୱା ମହିଳା ବିଭାଗ ଦ୍ୱାରା ସିୱା ପାର୍କରେ ଆୟୋଜିତ ହୋଇଥିଲା ଶିଶୁ ମହୋତ୍ସବ ଇତିକିଲି ମିଟିକିଲିର ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମହିଳା ବିଭାଗ ସଭାନେତ୍ରୀ ସୁମନ ମୁନ୍ଦ୍ରାଙ୍କ ସଭାପତିତ୍ତ୍ୱରେ ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବରେ ମଡର୍ଣ୍ଣ ଇଂରାଜୀ ବିଦ୍ୟଳୟର ନିର୍ଦ୍ଦେଶିକା କୁମୁଦମାଳା ମହାନ୍ତି, ସମ୍ମାନିତ ଅତିଥି ଭାବରେ ମନସ୍ତତ୍ତ୍ୱବିତ୍ ଦିବ୍ୟା ମିଶ୍ର ଏବଂ ମୁଖ୍ୟ ବକ୍ତା ଭାବରେ ସୁଧାକର ପଟ୍ଟନାୟକ ଯୋଗ ଦେଇଥିବା ବେଳେ ସିୱା ସମ୍ପାଦକ ସୌମ୍ୟ ରଂଜନ ଦଳେଇ ଏବଂ ସମ୍ପାଦିକା ବିଜୟଲକ୍ଷ୍ମୀ ପାଣିଗ୍ରାହି ସଭାକାର୍ଯ୍ୟରେ ଯୋଗ ଦେଇଥିଲେ । ବିଜୟଲକ୍ଷ୍ମୀ ତ୍ରିପାଠୀ ସ୍ୱାଗତ ସମ୍ଭାଷଣ ପ୍ରଦାନ କରିଥିବା ବେଳେ କାର୍ଯ୍ୟକ୍ରମଟିକୁ ସୁନ୍ଦର ଭାବରେ ପରିଚାଳନା କରିଥିଲେ କିଶୋରୀ ପ୍ରତିଭା ସୁଶ୍ରୀ ସମର୍ପିତା ପାଣିଗ୍ରାହି । ସୁଶ୍ରୀ ଭାବନା ପଟ୍ଟନାୟକ ଶିଶୁ ପ୍ରତିଭା ସୁଶ୍ରୀ ଅକ୍ଷିତାଙ୍କ ସହିତ ନୃତ୍ୟ ପରିବେଷଣ କରିବା ସହିତ ପ୍ରାରମ୍ଭିକ ସଙ୍ଗୀତ ଗାନ କରିଥିଲେ । ଉକ୍ତ କାର୍ଯ୍ୟକ୍ରମରେ ଅତିଥିମାନଙ୍କ କରକମଳରେ ଶିଶୁ କିଶୋର ପତ୍ରିକା ଆମ ପରଜାପତିର ପଞ୍ଚମ ସଂଖ୍ୟା ଉନ୍ମୋଚିତ ହୋଇଥିଲା ।ଜୟପୁର ବ୍ଲକର ଅନେକ ସରକାରୀ ବେସରକାରୀ ବିଦ୍ୟାଳୟର କୃତି ଛାତ୍ରଛାତ୍ରୀ ଅଭିଭାବକଙ୍କ ସହିତ ଉପସ୍ଥିତ ରହି ପୁରସ୍କାର ଗ୍ରହଣ କରିଥିଲେ । ପରିଶେଷରେ ଅନୁଷ୍ଠାନର ସଦସ୍ୟା ବାଣୀ ପଟ୍ଟନାୟକଙ୍କ ଧନ୍ୟବାଦ ପ୍ରଦାନ ପରେ ସଭାପତି ସଭା ସାଙ୍ଗ କରିଥିଲେ ।
