ଇନ୍ଦିରା ଗାନ୍ଧୀଙ୍କ ଜୟନ୍ତୀ
Rasmita Behera
ବାଲେଶ୍ୱର: ବାଲେଶ୍ୱର ଜିଲ୍ଲା କଂଗ୍ରେସ କାର୍ଯ୍ୟାଳୟ ଠାରେ ଭାରତର ପ୍ରଥମ ମହିଳା ତଥା ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି । ବାଲେଶ୍ୱର ଜିଲ୍ଲା କଂଗ୍ରେସ କମିଟିର ସଭାପତି ସଞ୍ଜିବ ଗିରିଙ୍କ ନେତୃତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପିସିସି ସାଧାରଣ ସମ୍ପାଦିକା ଅର୍ଚ୍ଚନା ନଦୀ, ଯୁବନେତା ସରୋଜ ଲେଙ୍କା, କାହ୍ନଇ ବେହେରା, କୃଷ୍ଣ ଗୋପାଳ ପଣ୍ଡା, ଜୀବନ କୃଷ୍ଣ ବାରିକ, ଜୁବୁଲି ପଣ୍ଡା, ପ୍ରତିମା ପଣ୍ଡା, ବାଲେଶ୍ୱର ଜିଲ୍ଲା କଂଗ୍ରେସ ଗଣମାଧ୍ୟମ ଓ ଯୋଗାଯୋଗ ବିଭାଗର ଜିଲ୍ଲା ଅଧ୍ୟକ୍ଷ ତଥା ପିସିସି ସଦସ୍ୟ ବିକାଶ କୁମାର ଦାସ, ବିଦ୍ୟାଧର ମହାନ୍ତି, ରବୀନ୍ଦ୍ର ଘଡେଇ, ରାଜୀବ ମହାପାତ୍ର, ଅନୁପ କୁମାର ସ୍ୱାଇଁ, ଶ୍ରୀକାନ୍ତ ବଗଡାଇ, ସୁବ୍ରତ ରାଉଳ ପ୍ରମୁଖ ଉପସ୍ଥିତ ରହି ଇନ୍ଦିରା ଗାନ୍ଧୀଙ୍କ ଦେଶ ପ୍ରତି ଉତ୍ସର୍ଗୀକୃତ ଜିବନୀ ବିଷୟରେ ଆଲୋକପାତ କରିଥିଲେ । ଇନ୍ଦିରା ଗାନ୍ଧୀ ଜୀ ଅମର ରହେ ଧ୍ୱନି ଦେଇ ସମସ୍ତେ ଗୋଟେ ମିନିଟ ନିରବ ପ୍ରାର୍ଥନା କରିବା ସହ ଇନ୍ଦିରା ଗାନ୍ଧୀଜୀଙ୍କ ଫୋଟଚିତ୍ରରେ ପୁଷ୍ପାଞ୍ଜଳି ଦେଇ ଉପସ୍ଥିତ ସମସ୍ତେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।
