ଗାଡି ଧକ୍କାରେ ବୃଦ୍ଧ ଗୁରୁତର
Rasmita Behera
4683
ସାରସକଣା: ମୟୂରଭଞ୍ଜ ଜିଲ୍ଲା ଝାରପୋଖରୀଆ ଥାନା ଆନ୍ତର୍ଗତ ଜାତୀୟ ରାଜପଥ ୪୯ନମ୍ବର ଜାଲଦା ଛକରେ ଲୁହାପଥର ବୋଝେଇ ଗାଡ଼ିରେ ଜଣେ ବୃଦ୍ଧ ଗୁରୁତ୍ୱର ଅବସ୍ଥାରେ ମେଡିକାଲ ସ୍ଥାନାନ୍ତର ହୋଇଥିବା ଜଣାଯାଇଛି । ମିଳିଥିବା ସୂଚନା ମୁତାବକ ପଥୁରୀ ଗ୍ରାମର ପ୍ରଫୁଲ୍ଲ ବେହେରା(୭୦) ରାସ୍ତା ପାରି ହେଉଥିବା ବେଳେ ଙଊ-୦୯ଗ-୬୦୭୧ ନମ୍ବର ବିଶିଷ୍ଟ ଏକ ଲୁହାପଥର ବୋଝେଇ ଟ୍ରକ୍ ବୃଦ୍ଧକୁ ଧକ୍କା ଦେବା ଫଳରେ ବୃଦ୍ଧ ଜଣଙ୍କ ଛିଟିକି ପଡି କ୍ଷତାକ୍ତ ହୋଇ ସଂଜ୍ଞାହୀନ ହୋଇ ପଡ଼ିଥିଲେ । ଖବର ପାଇ ଝାରପୋଖରୀଆ ପୋଲିସ ଘଟଣା ସ୍ଥଳରେ ପହଞ୍ଚି ପ୍ରଫୁଲ୍ଲ ବେହେରାଙ୍କୁ ସଜ୍ଞାହୀନ ଭାବେ ବାରିପଦା ମେଡିକାଲ ପଠାଇଥିଲେ । ତେବେ ଖବର ଲେଖାହେବା ଯାଏଁ ତାଙ୍କର ଚେତା ଫେରି ନଥିବା ଗ୍ରାମବାସୀଙ୍କ ଠାରୁ ଜଣାପଡିଥିଲା । ପ୍ରଫୁଲ୍ଲ ପ୍ରତକ୍ଷ ଠାକୁରାଣୀ ବାଗରୁପା ମାଙ୍କ ମନ୍ଦିର ସମ୍ମୁଖରେ ପୂଜା ସାମଗ୍ରୀ ବିକ୍ରି କରି ପରିବାର ପ୍ରତିପୋଷଣ କରନ୍ତି ବୋଲି ଜଣାଯାଇଛି ।
