ଶିଶୁ ଦିବସ ପାଳିତ
Jitendra Kumar Jena
5175
ସମ୍ବଲପୁର: ସ୍ଥାନୀୟ ଗୋବିନ୍ଦତୋଲାରେ ପ୍ରଗତି ଶିଶୁ ସୁରକ୍ଷା ଟ୍ରଷ୍ଟ ପକ୍ଷରୁ ଶିଶୁ ଦିବସ ପାଳିତ ହୋଇଯାଇଛି । ମୁଖ୍ୟଅତିଥି ଭାବେ ଅବସରପ୍ରାପ୍ତ ପ୍ରଧ୍ୟାପକ ଦେବେନ୍ଦ୍ର ପଣ୍ଡା, ସମ୍ମାନିତ ଅତିଥି ରୂପେ ବରିଷ୍ଠ ସାମ୍ବାଦିକ ରାଜାରାମ ପାଢ଼ୀ ଏବଂ ଶିକ୍ଷକ ଶ୍ରୀ ପଟେଲ ଯୋଗ ଦେଇଥିଲେ । ସଭାପତିତ୍ୱ କରିଥିଲେ ଗୋବିନ୍ଦତୋଲା ବସ୍ତି ଅଞ୍ଚଳର ବିକାଶ ପାଇଁ ଅହରହ ସଂଗ୍ରାମ କରୁଥିବା ରଜନୀ ମହାନନ୍ଦ । ଏହି ଶିଶୁ ଦିବସ ସମାରୋହରେ ଏହି ଅଞ୍ଚଳର ବହୁ ସଂଖ୍ୟକ କୋମଳମତୀ ଶିଶୁ ଯୋଗ ଦେଇଥିଲେ । ଅତିଥିମାନେ ଉପସ୍ଥିତ ଶିଶୁମାନଙ୍କୁ ସେମାନଙ୍କ ଅଧିକାର ସଂପର୍କରେ ସଚେତନ କରିବା ସହିତ ପ୍ରତିକୁଳ ପରିସ୍ଥିତିରେ ମଧ୍ୟ ସମାଜରେ ପ୍ରତିଷ୍ଠିତ ହେବାକୁ ପରାମର୍ଶ ଦେଇଥିଲେ । ସରକାର ସୁସ୍ଥ ସମାଜ ଗଠନ କରିବାକୁ ଶିଶୁମାନଙ୍କ ସାମୂହିକ ବିକାଶ ପାଇଁ ବହୁବିଧ ଯୋଜନା ପ୍ରବର୍ତ୍ତନ କରିଛନ୍ତି । ତାର ସୁଫଳ ନେବାକୁ ଉପସ୍ଥିତ ଶିଶୁମାନଙ୍କୁ ଓ ତାଙ୍କର ଅଭିଭାବକମାନଙ୍କୁ ଅତିଥିମାନେ ପରାମର୍ଶ ଦେଇଥିଲେ ।
