ଓୟୁଜେର ସାଧାରଣ ପରିଷଦ ବୈଠକ

ଢେଙ୍କାନାଳ: ଓଡିଶା ୟୁନିଅନ୍ ଅଫ୍ ଜର୍ଣ୍ଣାଲିଷ୍ଟ୍ (ଓୟୁଜେ) ଢେଙ୍କାନାଳ ଜିଲ୍ଲା ଶାଖାର ସାଧାରଣ ପରିଷଦ ବୈଠକ ଓ ଦ୍ୱିବାର୍ଷିକ ସମ୍ମିଳନୀ ଜିଲ୍ଲା ଲେଖକ ସଂସଦ ଭବନ ଠାରେ ଜାତୀୟ ଗଣମାଧ୍ୟମ ଦିବସ ଅବସରରେ ଅନୁଷ୍ଠିତ ହୋଇଯାଇଛି । ଏଥିରେ ସଂଘର ସାଂଗଠନିକ ସୁଦୃଢ଼ିକରଣ ଓ ଦ୍ୱିବାର୍ଷିକ ଜିଲ୍ଲା କର୍ମକର୍ତ୍ତା ଚୟନ କରାଯାଇଥିଲା । ସର୍ବସମ୍ମତି କ୍ରମେ ଓୟୁଜେ ଢେଙ୍କାନାଳ ଜିଲ୍ଲା ଶାଖାର ସଭାପତି ଭାବେ ରତନ ନାୟାର ଓ ସାଧାରଣ ସମ୍ପାଦକ ଭାବରେ ଶିଶିର ଶତପଥୀଙ୍କୁ ମନୋନୀତ କରାଯାଇଛି । ସେହିପରି ଉପସଭାପତି ଭାବରେ ରାଜେଶ ଦେହୁରୀ, ଆଶିଷ ରଞ୍ଜନ ଶତପଥୀ ଓ ରବିନାରାୟଣ ବେହେରା, ସହ-ସମ୍ପାଦକ ଭାବେ ଆଦିତ୍ୟ ପଣ୍ଡା, ସାଂଗଠନିକ ସମ୍ପାଦକ ଭାବେ ଲକ୍ଷ୍ମୀକାନ୍ତ ସାହୁ, କାର୍ଯ୍ୟାଳୟ ସମ୍ପାଦକ ଭାବେ ପ୍ରଶାନ୍ତ ତ୍ରିପାଠୀ, କୋଷାଧ୍ୟକ୍ଷ ଭାବେ ବିନୋଦ କୁମାର ମହାନ୍ତିଙ୍କୁ ମନୋନୀତ କରାଯାଇଛି । କାର୍ଯ୍ୟକାରୀ କମିଟି ସଭ୍ୟ ଭାବରେ ସୁଶାନ୍ତ ପ୍ରଧାନ, ଅରବିନ୍ଦ ସାହୁ, କ୍ଷୀରୋଦ ଦେହୁରୀ, ରାକେଶ ଦେହୁରୀ, ଦୀପକ ନାୟକ, ସରୋଜ ଶତପଥୀ, ସୁଧୀର ପରିଡା ରହିଥିବାବେଳେ ରାଜ୍ୟ ପରିଷଦ ସଦସ୍ୟ ଭାବରେ ସତ୍ୟସ୍ୱରୂପ ଦାସ ଓ ଜାତୀୟ ପରିଷଦ ସଦସ୍ୟ ଭାବରେ ପ୍ରଦ୍ୟୁମ୍ନ ରଥଙ୍କୁ ମନୋନୀତ କରାଯାଇଛି । ଉପଦେଷ୍ଟା ମଣ୍ଡଳୀରେ ସୁକାନ୍ତ ଚରଣ ମିଶ୍ର, ରାଜଶ୍ରୀ ଶତପଥୀ, ଅମ୍ବିକା ପ୍ରସାଦ ପଟ୍ଟନାୟକ, ଅଥୟ ସାହୁ ରହିଛନ୍ତି । ନବନିର୍ବାଚିତ କର୍ମକର୍ତ୍ତାମାନଙ୍କୁ ସଦସ୍ୟ, ସଦସ୍ୟାମାନେ ସମ୍ବର୍ଦ୍ଧିତ କରିଥିଲେ  । ଏହି ଅବସରରେ ଜାତୀୟ ଗଣମାଧ୍ୟମ ଦିବସ ସଂଗଠନ ତରଫରୁ ପାଳନ କରାଯାଇଥିଲା । ‘ଗଣମାଧମର ପରିବର୍ତ୍ତନଶୀଳ ରୂପ’ ଶୀର୍ଷକ ଆଲୋଚନାଚକ୍ରରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଅଭିଷେକ ବେହେରା ଯୋଗ ଦେଇ ବର୍ତ୍ତମାନ ପରିବର୍ତ୍ତନଶୀଳ ଯୁଗରେ ଗଣମାଧ୍ୟମର ସ୍ଥିତି, ସାଂପ୍ରତିକ ପରିସ୍ଥିତି ଉପରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ଆଇଆଇଏମ୍ସିର ଆସୋସିଏଟ୍ ପ୍ରଫେସର ବିରଂଚି ନାରାୟଣ ସେଠ୍, ଓୟୁଜେର ପୂର୍ବତନ ଜିଲ୍ଲା ସଭାପତି ସୁକାନ୍ତ ମିଶ୍ର, ଓୟୁଜେର ଉପଦେଷ୍ଟା ପ୍ରଦ୍ୟୁମ୍ନ ରଥ, ଓୟୁଜେର ପୂର୍ବତନ ସାଧାରଣ ସମ୍ପାଦକ ସତ୍ୟସ୍ୱରୂପ ଦାସ, ରତନ ନାୟାର, ଅମ୍ବିକା ପ୍ରସାଦ ପଟ୍ଟନାୟକ, ରାଜଶ୍ରୀ ଶତପଥୀ, ରାଜେଶ ଦେହୁରୀ, ସରୋଜ ଶତପଥୀ, ଅମୀୟ ଚାନ୍ଦ, ଶ୍ରୀବାସ ନାୟକ ପ୍ରମୁଖ ଯୋଗ ଦେଇଥିଲେ । ଓୟୁଜେର ଆବାହକ ଶିଶିର ଶତପଥୀ କାର୍ଯ୍ୟକ୍ରମରେ ସଭାପତିତ୍ୱ କରିଥିବାବେଳେ ଆଦିତ୍ୟ ପଣ୍ଡା ଧନ୍ୟବାଦ ଅର୍ପଣ କରିଥିଲେ । ସମ୍ମିଳନୀର ଜିଲ୍ଲାର ବିଭିନ୍ନ ବ୍ଲକ ଓ ଜିଲ୍ଲା ସଦର ମହକୁମାରୁ ୫୦ରୁ ଊର୍ଦ୍ଧ୍ୱ ଗଣମାଧ୍ୟମର ପ୍ରତିନିଧିମାନେ ଯୋଗ ଦେଇ ଆଲୋଚନାରେ ଭାଗ ନେଇଥିଲେ ।