ଶହୀଦ ସପ୍ତାହ ଦିବସ ପାଳିତ
Jitendra Kumar Jena
ଗୋଲାମୁଣ୍ଡା: ଗୋଲାମୁଣ୍ଡା ବ୍ଲକ ବୃନ୍ଦାବାହାଲ ଠାରେ ଶହୀଦ ସପ୍ତାହ ଦିବସ ପାଳିତ ହୋଇଯାଇଛି । ଶହୀଦ ବିଜେନ୍ଦ୍ର ରାଉତ ନିଜ ମା’ ମାଟି ପାଇଁ ସୁରକ୍ଷା ଦାୟିତ୍ୱ ନିଭାଉ ଥିବାବେଳେ ୨୦୧୦ରେ କୋରାପୁଟ ଜିଲ୍ଲା ବୈପାରୀଗୁଡା ଥାନା ଅନ୍ତର୍ଗତ ମନ୍ତ୍ରୀଅମ୍ବାରେ ନକ୍ସଲଙ୍କ ଲ୍ୟାଣ୍ଡ ମାଇନର ଶିକାର ହୋଇ ଚିର ଦିନ ପାଇଁ ଆଖି ବୁଝିଦେଇଥିଲେ । ଜନ୍ମମାଟିରେ ଶହୀଦ ସପ୍ତାହ ଦିବସ ଗୋଲାମୁଣ୍ଡା ପୁଲିସ ପକ୍ଷରୁ ପାଳିତ କରାଯାଇଛି । ଏ ଅବସରରେ ବୃନ୍ଦାବାହାଲ ସମସ୍ତ ସ୍କୁଲର ଛାତ୍ରଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ସହ ପୁଲିସ କର୍ମଚାରୀ ବହୁ ସଂଖ୍ୟାରେ ଯୋଗଦେଇ ଶହୀଦ ବିଜେନ୍ଦ୍ର ରାଉତଙ୍କ ଫଟୋ ଧରି ବିଭିନ୍ନ ନାରାବାଜି ଦେଇ ନଗର ପରିକ୍ରମା କରିଥିଲେ । ଏଥିରେ ଗୋଲାମୁଣ୍ଡା ପୁଲିସ ପକ୍ଷରୁ ଏସ୍ଆଇ ରାଜେଶ ପରିଡା, ଏସ୍ଆଇ ସୁଶାନ୍ତ ପଣ୍ଡା, ଏଏସ୍ଆଇ ହେମନ୍ତ ହରିଜନ ସହ ଅନେକ କର୍ମଚାରୀ ଯୋଗ ଦେଇଥିବା ବେଳେ ବୃନ୍ଦାବାହାଲ ଉଚ୍ଚ ବିଦ୍ୟାଳୟର ଖେକ ଶିକ୍ଷକ ଦିଲ୍ଲୀପ ସାହୁ, ପ୍ରାଥମିକ ବିଦ୍ୟାଳୟର ଶିକ୍ଷକ ତରଙ୍ଗ ଚଣ୍ଡୀ ସହ ଅନେକ ଶିକ୍ଷକ, ସମାଜସେବୀ ଶ୍ୟାମ ସୁନ୍ଦର ଅଗ୍ରୱାଲ ପ୍ରମୁଖ ଯୋଗଦେଇ ସହଯୋଗ କରିଥିଲେ । ହେଲେ କିଛିଦିନ ତଳେ ବ୍ଲକ ଅଧ୍ୟକ୍ଷ ବିନ୍ଦୁ ମହାନନ୍ଦ, ବିଡ଼ିଓ ଶ୍ରୀଧର ପଣ୍ଡା ସ୍ୱର୍ଗତ ବିଜେନ୍ଦ୍ର ରାଉତଙ୍କ ଶହୀଦ ଦିବସରେ ଯୋଗ ଦେଇ ଶହୀଦ ଦିବସ ପାଳନ କରିଥିବା ବେଳେ ଗୋଲାମୁଣ୍ଡା ପୁଲିସ ପକ୍ଷରୁ କେହି ଉପସ୍ଥିତ ହୋଇ ନଥିଲେ ।
