ଜିନ୍ଦଲ ଆଶା’ ପାଳିଲା ତୃତୀୟ ବାର୍ଷିକ କ୍ରୀଡା ଉତ୍ସବ 

ଅନୁଗୁଳ: ଦିବ୍ୟାଙ୍ଗ ପିଲାମାନଙ୍କ ସଶକ୍ତିକରଣ ତଥା ଶିକ୍ଷା ପାଇଁ ଉତ୍ସର୍ଗୀକୃତ ଜିନ୍ଦଲ ଫାଉଣ୍ଡେସନର ଅଭିନ୍ନ ଅଙ୍ଗ ‘ଜିନ୍ଦଲ ଆଶା’, ଅନୁଗୁଳ ପକ୍ଷରୁ ତୃତୀୟ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି 26 ଓ 27 ନଭେମ୍ବର ଦୁଇ ଦିନ ଧରି ଚାଲିଥିବା ଏହି କ୍ରୀଡା ଉତ୍ସବରେ ଛାତ୍ରଛାତ୍ରମାନଙ୍କର ସ୍ଥିରତା, ନିଷ୍ଠା, ଦକ୍ଷତା  ଏବଂ ପ୍ରତିଭା, ଦେଖିବାକୁ ମିଳିଥିଲା ।ବେଶ ଆଗ୍ରହ ଓ ଉତ୍ସାହର ସହିତ ପିଲାମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ | କ୍ରୀଡା ପ୍ରତିଯୋଗିତାରେ ଭାଗ ନେବା ପାଇଁ ପ୍ରତିଯୋଗୀମାନଙ୍କ ପାଇଁ ସ୍ୱତନ୍ତ୍ର କ୍ରୀଡା ଓ କୌଶଳ ପ୍ରସ୍ତୁତ କରାଯାଇଥିଲା | ପ୍ରତ୍ୟେକ ଅଂଶଗ୍ରହଣକାରୀଙ୍କ ବିବିଧ ଦକ୍ଷତାକୁ ସ୍ଥାନିତ କରିବା ପାଇଁ ସୁଚିନ୍ତିତ ଭାବରେ ଏହା ପ୍ରସ୍ତୁତ କରାଯାଇଥିଲା, ଯେଉଁଠି ପ୍ରତ୍ୟେକ ପ୍ରତିଯୋଗୀ ସୁଯୋଗ ପାଇଥିଲେ | ସେମାନଙ୍କ ପାଇଁ ଦୌଡ଼ ପ୍ରତିଯୋଗିତା, ବଲ ବଦଳ ପ୍ରତିଯୋଗିତା , ସଟଫୁଟ ଏବଂ ମ୍ୟୁଜିକାଲ୍ ଚେୟାର ଭଳି ଅନେକ ପ୍ରତିଯୋଗିତା ଅନୁଷ୍ଠିତ ହୋଇଥିଲା | ଅଂଶଗ୍ରହଣକାରୀଙ୍କ ପରେଡରୁ ଆରମ୍ଭ ହୋଇଥିବା ଉଦଘାଟନୀ ସମାରୋହରେ ଜିନ୍ଦଲ ଫାଉଣ୍ଡେସନର ଅନୁଗୁଳ ସିଏସଆର ମୁଖ୍ୟ ଜୟନ୍ତ କୁମାର ମହାନ୍ତି ଏକ ପ୍ରେରଣାଦାୟୀ ଅଭିଭାଷଣ ରଖିଥିଲେ। ଶ୍ରୀ ମହାନ୍ତି ସମସ୍ତ ପ୍ରତିଯୋଗୀ, ଥେରାପିଷ୍ଟ ଏବଂ ଜିନ୍ଦଲ ଆଶାଙ୍କ ସହାୟକ କର୍ମଚାରୀଙ୍କ ଉଦ୍ୟମକୁ ପ୍ରଶଂସା କରି କହିଥିଲେ ଯେ 'ଏହି ଭଳି ପ୍ରତିଯୋଗିତା କେବଳ ଆମର ଛାତ୍ରମାନଙ୍କ ଅସାଧାରଣ ଦକ୍ଷତାକୁ କେବଳ ଆଲୋକିତ କରୁଛି ତାହାନୁହେ ବରଂ ଜୀବନର ପ୍ରତ୍ୟେକ କ୍ଷେତ୍ରରେ ସମାନ ସୁଯୋଗ ମିଳିବାକୁ  ଗୁରୁତ୍ୱ ଦେଉଛି ।ଏହି କ୍ରୀଡା ଉତ୍ସବରେ ପିତାମାତା, ଥେରାପିଷ୍ଟ ଏବଂ ସହାୟକ କର୍ମଚାରୀମାନେ ସାମିଲ ହୋଇ ବାତାବରଣକୁ ଆହୁରି ଉତ୍ସବମୁଖର କରିଦେଇଥିଲେ | ବାର୍ଷିକ କ୍ରୀଡା ଉତ୍ସବ ଆୟୋଜନ କରି ଜିନ୍ଦଲ ଆଶା, ଅନୁଗୁଳ ପୁଣି ଥରେ ନିଜ ପ୍ରତିବଦ୍ଧତାକୁ ପ୍ରମାଣିତ କରିଛି, ଯାହା ଦିବ୍ୟାଙ୍ଗ ପିଲାମାନଙ୍କ ମଧ୍ୟରେ ବ୍ୟକ୍ତିଗତ ଅଭିବୃଦ୍ଧି ଏବଂ ଆତ୍ମବିଶ୍ୱାସକୁ ବିକଶିତ କରିବ | ସଠିକ୍ ସମର୍ଥନ ଏବଂ ଉତ୍ସାହ ପାଇଲେ ସମସ୍ତେ ଉତ୍କର୍ଷ ଲାଭ କରିପାରିବେ, ଏଭଳି ଏକ ବାର୍ତ୍ତା ଦେଇଛି  | ଉଦଯାପନୀ ଉତ୍ସବରେ ଜିନ୍ଦଲ ମହିଳା ସମିତିରୁ ସୀମା ମଲହାନ ଏବଂ  ଅନୀତା ମିତ୍ତଲ ମୁଖ୍ୟ ଅତିଥି ଓ ସମ୍ମାନିତ ଅତିଥି  ଭାବେ ଯୋଗ ଦେଇଥିଲେ। ଅତିଥିମାନେ ନିଜ ଅଭିଭାଷଣରେ ଦିବ୍ୟାଙ୍ଗ ପିଲାମାନଙ୍କୁ ଜୀବନର ସମସ୍ତ କ୍ଷେତ୍ରରେ ଉନ୍ନତ ହେବା ପାଇଁ ପ୍ଲାଟଫର୍ମ ପ୍ରଦାନ କରିବା ଉପରେ ଗୁରୁତ୍ୱାରୋପ କରିଥିଲେ। ସେହିପରି  ଏହି ପ୍ରତିଯୋଗିତା ଛାତ୍ରଛାତ୍ରମାନଙ୍କର ଶକ୍ତି ଏବଂ ସାମର୍ଥ୍ୟର ଏକ ପ୍ରମାଣ। ଏହା କେବଳ  ଜିତିବା କିମ୍ବା ହାରିବା ବିଷୟ ନୁହେଁ, ବରଂ ଅଂଶଗ୍ରହଣ, ସାହସ ଏବଂ ଉତ୍କର୍ଷର ଅନୁସରଣ ବିଷୟ ବୋଲି ମତ ରଖିଥିଲେ।