ଆରମ୍ଭ ହେଲା ଧାନ ମଣ୍ଡି, ହେଲେ ଉଠିଲାନି ଚାଷୀଙ୍କ ଧାନ

ଗୋଲାମୁଣ୍ଡା: କଳାହାଣ୍ଡି ଜିଲ୍ଲାରେ ଆରମ୍ଭ ହୋଇଛି ଧାନ କିଣା ପ୍ରକ୍ରିୟା । ଜୁନାଗଡ଼ ନିୟନ୍ତ୍ରିତ ବଜାର କମିଟି ଅନ୍ତର୍ଗତ ଗୋଲାମୁଣ୍ଡା ବ୍ଲକ୍ ଘୋଟିଆ ଧାନ ମଣ୍ଡିରେ ଉପଜିଲ୍ଲାପାଳଙ୍କ ଦ୍ୱାରା ପୂଜାର୍ଚ୍ଚନା ପରେ ଆରମ୍ଭ ହେଲା ଧାନ କ୍ରୟ । ୨୯ ତାରିଖ ଶୁକ୍ରବାର ସମୁଦାୟ ୪୫ ଚାଷୀଙ୍କ ଟୋକନ ରହିଥିଲା । ଦୁର୍ଭାଗ୍ୟର ବିଷୟ କେବଳ ଜଣେ ଚାଷୀ ଗୋଲାମୁଣ୍ଡା ବ୍ଲକ୍ ବୃନ୍ଦାବାହାଲ ଗ୍ରା.ପ ଅଧିନସ୍ଥ ବୈଜଳପୁର ଗ୍ରାମ ଡିଙ୍ଗର ହରପାଲ ନାମକ ଚାଷୀ ୫୦କ୍ୱିଣ୍ଟାଲ ଧାନ ଏକ ଟ୍ରାକ୍ଟର ସାହାଯ୍ୟରେ ନେଇ ଆସିଥିଲେ । ଚଳିତ ବର୍ଷ ଡବଲ ଇଞ୍ଜିନ ସରକାରଙ୍କ ଧାନର ଏମ୍ଏସ୍ପି ମୂଲ୍ୟ ୨୩୦୦ ଟଙ୍କା ଏବଂ ଇନପୁଟ୍ ସବ୍ସିଡି ବାବଦକୁ ୮୦୦ ଟଙ୍କା ଦେବା ପାଇଁ ଘୋଷଣା କରିଥିବା ବେଳେ, ଧାନ ବିକିଥିବା ଚାଷୀ ସରକାରଙ୍କ ଦ୍ୱାରା ଘୋଷଣା ହୋଇଥିବା ବିନା କଟ୍ନୀ ଛାଟ୍ନିରେ ୩୧୦୦ ଟଙ୍କା ପାଇବା ଆଶା ରଖିଛନ୍ତି । ତେବେ ଡିଜିଟାଳ ଆଦ୍ରତା ମାପ ଯନ୍ତ୍ରକୁ ନେଇ ଚାଷୀଙ୍କ ମନରେ ଦ୍ୱନ୍ଦ୍ୱ ସୃଷ୍ଟି ହେଉଛି । ଜିଲ୍ଲାର ୧ ଲକ୍ଷ ୧୪ ହାଜର ୭୮୫ ଜଣ ଚାଷୀ ଧାନ ବିକିବା ପାଇଁ ପଞ୍ଜିକରଣ କରିଛନ୍ତି ସେଥିପାଇଁ ଜିଲ୍ଲାରେ ଖୋଲିବ ୨୨୩ ଟି ଧାନ ମଣ୍ଡି । ତେବେ ମିଲ୍ରେ ଧାନର କଷ୍ଟୋଡ଼ି ଏସ୍ପେଣ୍ଡିଚର୍ ବା ଧାନ ରଖୁଥିବା ଖର୍ଚ୍ଚ କ୍ୱିଣ୍ଟାଲ ପିଛା  ୭ ଟଙ୍କା  ଏବଂ ଅନ୍ୟପକ୍ଷରେ ୨୦୧୩/୧୪ ମସିହାର ଖର୍ଚ୍ଚ ଫେରସ୍ତ ପାଇଁ ସରକାର ନିଦେ୍ର୍ଦଶ ଦେଇଥିବାରୁ ମିଲର୍ସ କଷ୍ଟମ ମିଲିଙ୍ଗ ପାଇଁ ରାଜି ହେଉ ନାହାନ୍ତି ।ି ନିଜ ଜିଦ୍ରେ ଅଟଳ ରହିଛନ୍ତି ତାକୁ ନେଇ ଆଗକୁ ମଣ୍ଡି କିପରି ଭଲରେ ଚାଲିବ ସେନେଇ ଚିନ୍ତାରେ ଚାଷୀ । ଅନ୍ୟପଟେ ଏନେଇ ଚାଷୀ ନିଜ ନିଜ ଧାନକୁ ମଣ୍ଡିକୁ ଆଣୁ ନଥିବା ଦେଖିବାକୁ ମିଳିଛି । ସେହିପରି ଘୋଟିଆ ମଣ୍ଡିରେ ଚଳିତ ବର୍ଷ ମଣ୍ଡି ଆରମ୍ଭରୁ କେବଳ ଜଣେ ଚାଷୀ ମଣ୍ଡିକୁ ଧାନ ଆଣିବା ସମସ୍ତ ସରକାରୀ କର୍ମଚାରୀକୁ ଆଶ୍ଚର୍ଯ୍ୟ କରିଛି । ମଣ୍ଡିକୁ ଧାନ ଆସିଲା ସତ ହେଲେ ମେସିନ କାମ ଠିକ୍ ସେ କାର୍ଯ୍ୟ ନ କରିବା ହେତୁ ଉପଜିଲ୍ଲାପାଳଙ୍କ ସମ୍ମୁଖରେ ଚାଷୀ ଅସନ୍ତୋଷ ପ୍ରକାଶ କରିଥିଲେ । ଏନେଇ ଘୋଟିଆ ମଣ୍ଡି ଉପରେ ନିର୍ଭର କରୁଥିବା ଚାଷୀଙ୍କୁ ନେଇ ତୁରନ୍ତ ଧର୍ମଗଡ଼ ଉପଜିଲ୍ଲାପାଳ ଧିମାନ ଚକମା ଏକ ସାଧାରଣ ବୈଠକର ବନେ୍ଦାବସ୍ତ କରିଥିଲେ । ବୈଠକରେ ଚାଷୀଙ୍କୁ ଚଳିତ ବର୍ଷର ନୂତନ ନିୟମ ଓ ନୂତନ ଯନ୍ତ୍ରପାତି ବିଷୟରେ ବିସ୍ତୃତ  ଆଲୋଚନା କରିଥିଲେ । ଖବର ସଂଗ୍ରହ କରିବା ସୁଦ୍ଧା ମଣ୍ଡିକୁ ଆସିଥିବା ଚାଷୀ ଡିଙ୍ଗର ହରପାଳଙ୍କ ଧାନ ଉଠି ନଥିବା ଘୋଟିଆ ମଣ୍ଡି ଦାୟିତ୍ୱରେ ଥିବା କ୍ରୟ ଅଧିକାରୀ ନିକାଶ ଖମାରୀ ପ୍ରକାଶ କରିଛନ୍ତି । ଏହି ସମାରୋହରେ ଧର୍ମଗଡ ଉପଜିଲ୍ଲାପାଳ ଧିମାନ ଚକମା, ମଣ୍ଡି ପର୍ଯ୍ୟବେକ୍ଷକ ବିଡିଓ ଶ୍ରୀଧର ପଣ୍ଡା, ତହସିଲଦାର ଚନ୍ଦନ ନାୟକ, ମଣ୍ଡି ସଂଯୋଜକ ସରସ୍ୱତୀ ମେହେର, ଆର୍ଏମ୍ସି ସମ୍ପାଦକ ଉଦିତ ବାବୁ, ଯୋଗାଣ ଅଧିକାରୀ ପବିତ୍ର ସାହୁ, ପେକ୍ସ ସମ୍ପାଦକ କିରଟି ପ୍ରଧାନ, କ୍ରୟ ଅଧିକାରୀ ନିକାଶ ଖମାରି, ଆରଏମ୍ସି ଡାଇରେକ୍ଟର ଦିନେଶ ରାଉତ, ଆରଏମ୍ସି ସଦସ୍ୟ ପ୍ରସନ୍ନ ରାଉତ ପ୍ରମୁଖ ଯୋଗ ଦେଇଥିଲେ ।