୧୩ରେ ଚୟନ ହେବ ଯାଜପୁର ଜିଲ୍ଲା କନିଷ୍ଠ କବାଡ଼ି ଦଳ
Rasmita Behera
4443
ବ୍ୟାସନଗର: ଯାଜପୁର ଜିଲ୍ଲା କ୍ରୀଡ଼ା ସଂସଦ ଆନୁକୂଲ୍ୟରେ ଜେ.କେ. ଆସୋସିଏସନ୍ର ସହାୟତାରେ ଚଳିତମାସ ୧୩ ତାରିଖ ଶୁକ୍ରବାର ଦିନ ଖଣ୍ଡିତର ସ୍ଥିତ କବାଡ଼ି ଖେଳ ପଡ଼ିଆରେ କନିଷ୍ଠ ବର୍ଗ କବାଡ଼ି ଦଳ (ବାଳକ ଓ ବାଳିକା) ଚୟନ ଶିବିର ଅନୁଷ୍ଠିତ ହେବ । ଉକ୍ତ ଶିବିରରୁ ଖେଳାଳୀ ଚୟନ କରାଯାଇ ଆସନ୍ତା ୧୫ତାରିଖ କଟକଠାରେ ଅନୁଷ୍ଠିତ ହେବାକୁ ଥିବା ରାଜ୍ୟ ଦଳ ପାଇଁ ଚୟନ ଶିବିରରେ ଅଂଶ ଗ୍ରହଣ କରିବେ । ଚୟନ ଶିବିରରେ ଅଂଶ ଗ୍ରହଣ କରୁଥିବା ଖେଳାଳୀ ତା୧୨ା୧ା୨୦୦୫ ମସିହା ପରେ ଜନ୍ମ ହୋଇଥିବା ସହିତ ବାଳକ ବିଭାଗ ପାଇଁ ୭୦ କେ.ଜିରୁ କମ୍ ଓ ବାଳିକା ବିଭାଗ ପାଇଁ ୬୫ କେ.ଜି ରୁ କମ୍ ଓଜନ ହୋଇଥିବା ଆବଶ୍ୟକ । ଏଣୁ ସମସ୍ତ ଇଚ୍ଛୁକ ଖେଳାଳୀମାନେ ନିଜର ବୟସ ପ୍ରମାଣପତ୍ର ଓ ପାସ୍ପେୋର୍ଟ ଫଟୋ ସହିତ ଦିବା ୨ ଘଟିକା ସମୟରେ ପହଁଚି କବାଡ଼ି ସମ୍ପାଦକ ରମେଶ ଚନ୍ଦ୍ର ପଣ୍ଡାଙ୍କ ନିକଟରେ ପଞ୍ଜୀକରଣ କରିବାକୁ ସାଧାରଣ ସମ୍ପାଦକ ସମ୍ବିତ୍ ମହାନ୍ତି ଅନୁରୋଧ କରିଛନ୍ତି ।
