ଆନ୍ତଃ କଲେଜ ନେଟ୍ବଲ୍ କ୍ରୀଡା ଉଦ୍ଘାଟିତ
Rasmita Behera
ଜଟଣୀ: ଉକଳ ମହାବିଦ୍ୟାଳୟ ଆନୁକୂଲ୍ୟରେ ଜଟଣୀ ମହାବିଦ୍ୟାଳୟ ପରିସରରେ ଆନ୍ତଃ ମହାବିଦ୍ୟାଳୟ ନେଟ୍ବଲ୍ କ୍ରୀଡ଼ା ଉଦ୍ଘାଟିତ ହୋଇଛି । ଉଦ୍ଘାଟନୀ ଉସôବରେ ଜଟଣୀ ମହାବିଦ୍ୟାଳୟର ଅଧ୍ୟକ୍ଷ ଡ. ରାଜୀବ କୁମାର କର ସଭାପତିତ୍ୱ କରିଥିଲେ । ସଭାପତି ସମସ୍ତ କ୍ରୀଡ଼ାବିତ୍ମାନଙ୍କୁ ଶୁଭେଚ୍ଛା ଜଣାଇ କ୍ରୀଡ଼ା ଉସôବ ଆରମ୍ଭ କରିଥିଲେ । ଉସôବରେ ଜଟଣୀ ମହାବିଦ୍ୟାଳୟ, ସନାତନ ହରିଚନ୍ଦନ ମହାବିଦ୍ୟାଳୟ, ମଦନପୁର, ଜତୀୟ କବି ବୀରକିଶୋର ସରକାରୀ ମହାବିଦ୍ୟାଳୟ, କିଶୋର ନଗର କଲେଜରୁ ୩୫ଜଣ ଖେଳାଳୀ ଅଂଶ ଗ୍ରହଣ କରିଥିଲେ । ଆଜିର ମ୍ୟାଚ୍ ଜଟଣୀ ମହାବିଦ୍ୟାଳୟ ଓ ସନାତନ ହରିଚନ୍ଦନ ମହାବିଦ୍ୟାଳୟ ମଧ୍ୟରେ ଅନୁଷ୍ଠିତ ହୋଇଥିଲା । ଜଟଣୀ ମହାବିଦ୍ୟାଳୟ ମ୍ୟାଚ୍କୁ ଜିତି ଜାତୀୟ ମହାବିଦ୍ୟାଳୟସ୍ତରୀୟ ଟୁର୍ଣ୍ଣାମେଣ୍ଟରେ ଖେଳିବ । ଆଜିର ଉସôବରେ କ୍ରୀଡ଼ା ଉପସଭାପତି ଡ. ସୁଶାନ୍ତ ବାରିକ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ଡ. ବେଣୁଧର ଦାସ ଧନ୍ୟବାଦ ଅର୍ପଣ କରିଥିଲେ । ଉସôବରେ ଅଜିତ ସୁନ୍ଦରରାୟ, ଅମିତ ବିକ୍ରମ ପଟ୍ଟନାୟକ, ଡ. ପ୍ରଶାନ୍ତ ପାଣିଗ୍ରାହୀ, ଡ. ତପନ ମିଶ୍ର ଖେଳାଳୀଙ୍କୁ ଶୁଭେଚ୍ଛା ସହ ସହଯୋଗ କରିଥିଲେ । ହିମାଂଶୁ ଶେଖର ବାରିକ, ଭରତ ମୋହନ ଦାସ ଓ ସୋମନାଥ ବିଶୋଇ ପରିଚାଳନା କରିଥିଲେ ।
