ତିହିଡ଼ି ଯୁବମଞ୍ଚକୁ ମିଳିଲା ଶ୍ରେଷ୍ଠ ସେବା ସଂଗଠନ ସମ୍ମାନ
Rasmita Behera
ତିହିଡ଼ି: ସାମାଜିକ ସଂଗଠନ ଉକôଳ ଫାଉଣ୍ଡେସନ ଟ୍ରଷ୍ଟ ପକ୍ଷରୁ ଭଣ୍ଡାରିପୋଖରୀ ଠାରେ ଆୟୋଜିତ ତୃତୀୟ ବାର୍ଷିକ ଉତ୍ସବରେ ସେବା କ୍ଷତ୍ରରେ ଉଲ୍ଲେଖନୀୟ ଅବଦାନ ପାଇଁ ଅଗ୍ରଣୀ ସାମାଜିଜ ସଂଗଠନ "ତିହିଡ଼ି ଯୁବମଂଚକୁ "ସେବାଶ୍ରୀ’ ସମ୍ମାନରେ ସମ୍ବର୍ଦ୍ଧିତ କରା ଯାଇଛି । ଚିତ୍ରଶିଳ୍ପୀ ତଥା କଳାକାର ନିତ୍ୟାନନ୍ଦ ରାଉତଙ୍କ ପୌରାହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥିଭାବେ ବିଶିଷ୍ଟ ଅଭିନେତା ଅଶୃମୋଚନ ମହାନ୍ତି, ପଣ୍ଡିତ ସଂଗ୍ରାମ ଆଚାର୍ଯ୍ୟ, ସମାଜସେବୀ ବଦ୍ରୀନାରାୟଣ ଧଳ, ଟ୍ରଷ୍ଟ ସଭାପତି ଅଜିତ ପତି ପ୍ରମୁଖ ମଞ୍ଚାସିନ ଥିଲେ । ପ୍ରତିଷ୍ଠାତା ତ୍ରିଲୋଚନ ଦାସ ସ୍ୱାଗତ ଭାଷଣ ପ୍ରଦାନ କରିଥିଲେ । ଯୁବମଂଚ ପକ୍ଷରୁ ସଭାପତି କୈଳାସ ବେହେରା, ସମ୍ପାଦକ ନିରଞ୍ଜନ ବାରିକ, ସଂଯୋଜକ ଆଇନଜୀବୀ ନୀଳମାଧବ ସେନାପତି, ସୌମ୍ୟଗୋପାଳ ନାୟକ, ସୟଦ ରଫିକ ଓ ସୁବ୍ରତ ମିଶ୍ର ପ୍ରମୁଖ ସେବା ସମ୍ମାନ ଗ୍ରହଣ କରିଥିଲେ । ପ୍ରକାଶ ଥାଉକି, ନିକଟ ଅତୀତରେ ବଜ୍ରପାତରୁ ଧନ ଜୀବନ ରକ୍ଷା ପାଇଁ ଚଳିତ ବର୍ଷ ପର୍ଯ୍ୟାୟକ୍ରମେ ୨ ଶହ ତାଳଗୋଟମା ଲଗାଇ ଯୁବମଞ୍ଚ ସମଗ୍ର ଭଦ୍ରକ ଜିଲ୍ଲା ତଥା ସାରା ଓଡ଼ିଶାରେ ଚର୍ଚ୍ଚାର ପରିସରକୁ ଆସିଥିଲା ।
