ଗୁରୁତରଙ୍କୁ ଭେଟିଲେ ବିଧାୟକ
Rasmita Behera
ଜଗତସିଂହପୁର: ତିର୍ତ୍ତୋଲ ବିଧାନସଭା କ୍ଷେତ୍ର ବିଧାୟକ ପ୍ରଫେସର ଡ. ରମାକାନ୍ତ ଭୋଇ କର୍କଟ ପୀଡିତ ଓ ଷଣ୍ଢ ଆକ୍ରମଣରେ ଗୁରୁତର ହୋଇଥିବା ବ୍ୟକ୍ତିଙ୍କୁ ଭେଟି ସ୍ୱାସ୍ଥ୍ୟ ଅବସ୍ଥା ବୁଝିଛନ୍ତି । ରଘୁନାଥପୁର ବ୍ଲକ୍ ତଂଅରା ପଞ୍ଚାୟତ କାକୁଡିଆ ଗ୍ରାମର ବିଛି ଗୋସ୍ୱାମୀ କର୍କଟ ରୋଗରେ ପୀଡିତ ଥିବାରୁ ତାଙ୍କ ଘରେ ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ । ତାଙ୍କ ସହିତ ରଘୁନାଥପୁରର ସମାଜସେବୀ ତାରାକାନ୍ତ ଜେନା ପ୍ରମୁଖ ଉପସ୍ଥିତଥିଲେ । ସେହିପରି ପୁରୁଣାବସନ୍ତ ପଞ୍ଚାୟତର ଦୁର୍ଯ୍ୟଧନ ଖଟୁଆ ଷଣ୍ଢ ଆକ୍ରମଣର ଶିକାର ହୋଇ ଗୁରୁତର ଅବସ୍ଥାରେ କଟକ ବଡ଼ ମେଡିକାଲରେ ଚିକିତ୍ସିତ ହେଉଛନ୍ତି । ଖବର ପାଇ ତିର୍ତ୍ତୋଲ ବିଧାୟକ ଡ. ଭୋଇ ମେଡିକାଲରେ ପହଞ୍ଚି ସ୍ୱାସ୍ଥ୍ୟବସ୍ଥା ପଚାରି ବୁଝିବା ସହିତ କେମିତି ଶୀଘ୍ର ଆରୋଗ୍ୟ ହେବେ ସେଥିନିମନ୍ତେ ଡାକ୍ତରଙ୍କ ସହ ଆଲୋଚନା କରିଥିଲେ । ବିଧାୟକ ଡ. ଭୋଇ କହିଥିଲେ ମୋର ମୋ ଲୋକଙ୍କ ମୋ ଜୀବନ ଉତ୍ସର୍ଗୀକୃତ । ଲୋକଙ୍କ ସେବାରେ ମୁଁ ସବୁବେଳେ ଛିଡା ହୋଇ ସେ ତାଙ୍କ କର୍ତ୍ତବ୍ୟ କରିଥିବା କହିଥିଲେ ।
