ଲୋ ଭୋଲଟେଜ୍କୁ ବଢୁଛି ଜନଅସନ୍ତୋଷ
Rasmita Behera
5551
ତାଳଚେର: ଲୋଭୋଲଟେଜ ସମସ୍ୟାକୁ ନେଇ ତାଳଚେର ବ୍ଲକ ଜଗନ୍ନାଥପୁର ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ତାଳଚେର ବନ୍ତୋଲ ରେଳଫାଟକ ଠାରୁ ଜଗନ୍ନାଥପୁର ଗ୍ରାମର ଉଭୟପାଶ୍ୱର୍ରେ ଥିବା ବାସିନ୍ଦା ଦୀର୍ଘ ଦୁଇବର୍ଷ ଧରି ଏହି ସମସ୍ୟାର ସମ୍ମୁଖୀନ ହେଉଥିବାବେଳେ ଏହାର ଆଶୁ ସମାଧାନ ପାଇଁ ବିଦୁ୍ୟତ୍ କାର୍ଯ୍ୟାଳୟ ପକ୍ଷରୁ କୌଣସି ପ୍ରକାର ବ୍ୟବସ୍ଥା କରାଯାଉ ନାହିଁ ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି । ଏଠାରେ ଶହେ କେଭି ଟ୍ରାନ୍ସର୍ଫମର ଲଗାଯିବାକୁ ଗ୍ରାମବାସୀମାନେ ବିଦୁ୍ୟତ୍ ବିଭାଗର ଉଚ୍ଚ କର୍ମଚାରୀଙ୍କୁ ଏକ ଦାବିପତ୍ର ପ୍ରଦାନ କରିଥିଲେ । ଏହି ଅଞ୍ଚଳରେ ସାଉଥବଲଣ୍ଡା ବିଦୁ୍ୟତ୍ ବିଭାଗ ପକ୍ଷରୁ ପୂର୍ବରୁ ୨୫କେଭି କ୍ଷମତାର ଟ୍ରାନ୍ସର୍ଫମର ଲଗାଯାଉଥିବା ବେଳେ କ୍ରମଶଃ ଜନସଂଖ୍ୟା ବୃଦ୍ଧି ପାଇବା ଯୋଗୁଁ ୨୫କେଭି କ୍ଷମତା ଟ୍ରାନ୍ସର୍ଫମର ସ୍ଥାନରେ ଶହେ କେଭି ଲଗାଇବାକୁ ଗ୍ରାମବାସୀମାନେ ଦାବି କରିଛନ୍ତି ।
