ଛାତ୍ରୀଙ୍କୁ କୁକର୍ମ ଉଦ୍ୟମ, ଜଣେ ଗିରଫ
Henamanjaree Swain
କନ୍ଧମାଳ ଜିଲ୍ଲା ଜି.ଉଦୟଗିରି ସହରରେ ଏକ ଅଭାବନୀୟ ଘଟଣା ଘଟିଛି । ଜଣେ କଲେଜ ପଢୁଆ ଝିଅକୁ ଅସଦାଚରଣ ସହ କୁକର୍ମ ଉଦ୍ୟମ କରିବା ଅଭିଯୋଗରେ ଜଣେ ଦୋକାନିକୁ ଅଟକ ରଖିଛି ପୁଲିସ । ସୂଚନା ଅନୁସାରେ ଆଜି ଅପରାହ୍ନ ପାଖାପାଖି ଘ୨.୩୦ମି ସମୟରେ ସ୍ଥାନୀୟ କଲେଜର ଜଣେ ଛାତ୍ରୀ ନିଜ ଗ୍ରାମ ପାବୁରିଆ ଯିବା ପାଇଁ ବସ ଅପେକ୍ଷା କରୁଥିଲେ । ଏହି ସମୟରେ (ବନ୍ଧ ଛକ) ପାବୁରିଆ ବସ ଷ୍ଟାଣ୍ଡରେ ଥିବା ଜଣେ ଦୋକାନୀ ସେହି ଛାତ୍ରୀଙ୍କୁ ଡାକି ଥିଲେ । ଛାତ୍ରୀ ଜଣକ ଦୋକାନକୁ ଯିବା ପରେ ଦୋକାନୀ ଜଣକ ଛାତ୍ରୀଙ୍କୁ ହାତଧରି ଜୋରଜବରଦସ୍ତ ଭିତର ରୁମକୁ ନେଇ ଥିଲେ । ବେଡ ରୁମରେ ଛାତ୍ରୀଙ୍କୁ ଜୋରଜବରଦସ୍ତ କିଛି ଖାଇବାକୁ ଦେଇ ଥିଲେ । ଛାତ୍ରୀ ଜଣକ ଖାଇବାକୁ ମନା କରି ଥିଲେ ଓ ସେ ତା ଠାରୁ ମୁକୁଳିବାକୁ ଚେଷ୍ଟା କରି ଚିକ୍ରାର କରି କାନ୍ଦି ଥିଲେ । ଛାତ୍ରୀଙ୍କ କାନ୍ଦ ଶୁଣି ରାସ୍ତାରେ ଯାଉ ଥିବା ଛାତ୍ରଛାତ୍ରୀ ଓ ଲୋକମାନେ ଦୋକାନ ସାମ୍ନାକୁ ଦୌଡ଼ି ଥିଲେ । ଏତିକି ବେଳେ ଦୋକାନୀ ଜଣକ ଛାତ୍ରୀଙ୍କୁ ରୁମରେ ରଖି କବାଟ ବାହାରୁ ତାଲା ପକାଇ ବାହାରି ଥିଲା । ଖବର ପାଇ ସ୍ଥାନୀୟ ପୁଲିସ ଘଟଣା ସ୍ଥଳରେ ପହଞ୍ଚି ଦୋକାନୀକୁ ଅଟକ ରଖିବା ସହ ଛାତ୍ରୀଙ୍କୁ ଥାନାକୁ ନେଇ ତଦନ୍ତ ଚଳାଇଛି । କଲେଜ ଛାତ୍ରଛାତ୍ରୀ, ସ୍ଥାନୀୟ ବାସିନ୍ଧାଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି ଓ ମହିଳା ଏବଂ ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ପ୍ରଶ୍ନବାଚି ସୃଷ୍ଟି ହୋଇଛି । ଘଟଣାର ନିରପେକ୍ଷ ତଦନ୍ତ କରି ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ବାସିନ୍ଧା । ଏନେଇ ଖବର ପ୍ରକାଶ ପାଇବା ପର୍ଯ୍ୟନ୍ତ ଜି.ଉଦୟଗିରି ଥାନାରେ ମାମଲା ରୁଜୁ ହୋଇ ଥିବା ସୂଚନା ମିଳିଛି ।
