ବଦଳିଲେ ମାଲକାନଗିରି ପିଏ ଆଇଟିଡ଼ିଏ
Rasmita Behera
5640
ମାଲକାନଗିରି: ମାଲକାନଗିରିର ପିଏ ଆଇଟିଡିଏ ଜୟଶ୍ରୀଙ୍କ ବଦଳି ହୋଇଛି । ମାଲକାନଗିରିରୁ ତାଙ୍କୁ ବ୍ରହ୍ମପୁର ଆରଡିସି କାର୍ଯ୍ୟାଳୟକୁ ବଦଳି କରାଯାଇଥିବା ନେଇ ଜଣା ପଡିଛି । ବାରମ୍ବାର ବଦଳି ଓ ବଦଳି ବାତିଲକୁ ନେଇ ଏହି ସରକାରୀ ଅଧିକାରିଣୀ ଜଣକ ଚର୍ଚ୍ଚାରେ ରହିଆସିଥିଲେ ସେହିପରି ବିଭିନ୍ନ କାର୍ଯ୍ୟ ଓ ଅଭିଯୋଗକୁ ନେଇ ଅନେକ ବିବାଦରେ ମଧ୍ୟ ଛନ୍ଦି ହୋଇପଡିଥିଲେ । ଜୟଶ୍ରୀଙ୍କ ବିରୁଦ୍ଧରେ ଅନେକ ଅଭିଯୋଗ ଆସିଥିବା ବେଳେ ଲେମନ ଗ୍ରାସ ଚାଷକୁ ନେଇ ତାଙ୍କ ବିରୋଧରେ ଦୁର୍ନୀତି ହୋଇଥିବା ଅଭିଯୋଗହୋଇଥିଲା । ଏହାସହ ତାଙ୍କ ବିରୋଧରେ ମୁଖ୍ୟମନ୍ତ୍ରୀଙ୍କ ନିକଟରେ ଜଣେ ଯନ୍ତ୍ରୀ ମଧ୍ୟ ଅଭିଯୋଗ କରିଥିବା ବେଳେ ବକେୟା ବିଲ୍ ଦେଉନଥିବାରୁ ଠିକାଦାର ମାନେ ତାଙ୍କୁ ବିରୋଧ କରି ଧାରଣାରେ ବସିଥିଲେ । ତେବେ ଏସବୁ ଅଭିଯୋଗ ପରେ ତାଙ୍କୁ ବ୍ରହ୍ମପୁର ଆରଡିସି କାର୍ଯ୍ୟାଳୟକୁ ବଦଳି କରାଯାଇଛି ।
