ରାଇକମା ଆଶ୍ରମ ବିଦ୍ୟାଳୟର ଆଠ ଛାତ୍ରଛାତ୍ରୀ ଏକଲବ୍ୟ ପାଇଁ ଉତ୍ତୀର୍ଣ୍ଣ
Srikant Kumar Rout
4439
ବୈଶିଙ୍ଗା: ଚଳିତ ଶିକ୍ଷାବର୍ଷ ନିମନ୍ତେ ମୟୂରଭଞ୍ଜ ଜିଲ୍ଲାରେ ନଅଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ସରକାରଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା । ଛାତ୍ରଛାତ୍ରୀଙ୍କର ଆଡମିସନ ପାଇଁ ପ୍ରବେଶିକା ପରୀକ୍ଷା ଶ୍ୟାମସୁନ୍ଦରପୁର ସ୍ଥିତ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ଅନୁଷ୍ଠିତ ହୋଇଥିଲା । ଏହି ପ୍ରବେଶିକା ପରୀକ୍ଷାରେ ରାଇକମା ଆଶ୍ରମ ବିଦ୍ୟାଳୟର ନଅଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ତେବେ ଫଳାଫଳ ପ୍ରକାଶିତ ହେବାରୁ ଜଣାପଡିଲା ଯେ ଆଠଜଣ ଛାତ୍ରଛାତ୍ରୀ ପରୀକ୍ଷାରେ ସଫଳତା ଅର୍ଜନ କରି ବାରିପଦାସ୍ଥିତ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ଆଡମିଶନ ନେବାକୁ ଯୋଗ୍୍ୟ ବିବେଚିତ ହୋଇଛନ୍ତି ।ଏଣୁ ଛାତ୍ରଛାତ୍ରୀ ତଥା ଅଭିଭାବକମାନଙ୍କ ମଧ୍ୟରେ ଆନନ୍ଦର ଲହରି ଖେଳି ଯାଇଛି । ଏହି ଅବସରରେ ବିଭିନ୍ନ ବ୍ୟକ୍ତି ବିଶେଷ ଓ ଅନୁଷ୍ଠାନ ତରଫରୁ ସେମାନଙ୍କୁ ଶୁଭେଚ୍ଛା ଜଣାଯାଇଛି ।
