ବସ ଓଲଟି ୭ ମୃତ
Rasmita Behera
ଏଜେନ୍ସି : ଓଲଟିଲା ଯାତ୍ରୀବାହୀ ବସ୍ । ଚାଲିଗଲା ୭ ଜଣଙ୍କ ଜୀବନ । ସେହିପରି ୧୨ରୁ ଅଧିକ ଆହତ ହୋଇଛନ୍ତି । ଝାଡଖଣ୍ଡରେ ଘଟିଛି ଏଭଳି ମର୍ମନ୍ତୁଦ ଦୁର୍ଘଟଣା । ଆଜି ଭୋର ୪ଟା ବେଳେ ଏହି ଦୁର୍ଘଟଣା ଘଟିଛି । ଝାଡଖଣ୍ଡର ହଜାରିବାଗର ବରକଟ୍ଟାର ଗୋରହର ପୁଲିସ ଷ୍ଟେସନ ଅଞ୍ଚଳରେ ଏକ ଯାତ୍ରୀବାହୀ ବସ୍ ଦୁର୍ଘଟଣଗ୍ରସ୍ତ ହୋଇ ରାସ୍ତାକଡକୁ ଓଲଟି ପଡିଛି । ବସ୍ଟି କୋଲକାତାରୁ ପାଟନା ଯାଉଥିଲା । ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି ।
ପୁଲିସ କହିବା ମୁତାବକ, ରାସ୍ତାରେ ସିକ୍ସ ଲେନ୍ ନିର୍ମାଣ କାମ ଚାଲିଥିଲା । ଏହି କାରଣରୁ ରାସ୍ତାକୁ କଟାଯାଇ ଛାଡି ଦିଆଯାଇଥିଲା । ଏଭଳି ପରିସ୍ଥିତିରେ ବରକଟ୍ଟା ରୋଡରେ ବସ୍ଟି ନିୟନ୍ତ୍ରଣ ବାହାରକୁ ଯାଇ ଏକ ଖାଲରେ ଓଲଟି ପଡିଥିଲା । ପୁଲିସ ଷ୍ଟେସନଠାରୁ ମାତ୍ର ୨୦୦ ମିଟର ଦୂରରେ ଏହି ଦୁର୍ଘଟଣା ଘଟିଛି ।
ଯାତ୍ରୀଙ୍କ ଚିକôାର ଶୁଣି ନିକଟସ୍ଥ ଗାଁର ଲୋକମାନେ ଏକାଠି ହୋଇ ପୁଲିସକୁ ଘଟଣା ସମ୍ପର୍କରେ ଜଣାଇଥିଲେ । ପରେ ପୁଲିସ ଘଟଣାସ୍ଥଳରେ ପହଞ୍ଚି ଥିଲା । ପୂର୍ବତନ ବିଧାୟକ ଜାନକୀ ଯାଦବ ମଧ୍ୟ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ବସ ଭିତରୁ ବାହାର କରିବାରେ ସାହାଯ୍ୟ କରିଥିଲେ । ଆହତମାନଙ୍କୁ ପ୍ରାଥମିକ ଚିକିସôା ପରେ ଆମ୍ବୁଲାନ୍ସରେ ହଜାରିବାଗ ମେଡିକାଲ କଲେଜକୁ ପଠାଯାଇଛି । ପୁଲିସ ମାମଲାର ତଦନ୍ତ ଜାରି ରଖିଛି ।
