ପୁରୁଷ ଓ ମହିଳା ରଗବୀରେ କିସ ଚାମ୍ପିଅନ
Srikant Kumar Rout
।। ପ୍ରଭାନ୍ୟୁଜ୍ ।। ଭୁବନେଶ୍ୱର, ୨୯ା୧୦: ୧୯ ବର୍ଷରୁ କମ୍ ବାଳକ ଓ ବାଳିକାମାନଙ୍କ ପାଇଁ ଉଚ୍ଚ ମାଧ୍ୟମିକ ଶିକ୍ଷା ଇଣ୍ଟର କଲେଜ ରଗବୀ ପ୍ରତିଯୋଗିତା ଆଜି ରାହୁଲ ବୋଷ ରଗବୀ ଷ୍ଟାଡିୟମ, କିଟି ବିଶ୍ୱବିଦ୍ୟାଳୟ, ଭୁବନେଶ୍ୱରରେ ଅନୁଷ୍ଠିତ ହୋଇଯାଇଛି । ଓଡ଼ିଶାର ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଅଧୀନରେ ଭୁବନେଶ୍ୱର କିସ୍ ଉଚ୍ଚ ମାଧ୍ୟମିକ ବିଦ୍ୟାଳୟ ଦ୍ୱାରା ଏହି କାର୍ଯ୍ୟକ୍ରମ ସଫଳତାର ସହ ଆୟୋଜିତ ହୋଇଥିଲା । ରୋମାଞ୍ଚକର ମୁକାବିଲାରେ କିସ୍ ଉଚ୍ଚ ମାଧ୍ୟମିକ ବିଦ୍ୟାଳୟ ଉଭୟ ବାଳକ ଏବଂ ବାଳିକା ବର୍ଗରେ ଚାମ୍ପିଅନ ହୋିଛି । ବାଳକ ବର୍ଗରେ ବାଲେଶ୍ୱର ସିମୁଳିଆ ଉଚ୍ଚ ମାଧ୍ୟମିକ ବିଦ୍ୟାଳୟ ରନର୍ସଅପ୍ ହୋଇଥିବାବେଳେ ମୟୂରଭଞ୍ଜର ବାରିପଦା ଉଚ୍ଚ ମାଧ୍ୟମିକ ବିଦ୍ୟାଳୟ ବାଳିକା ବର୍ଗରେ ରନରସ୍ ଅପ୍ ହୋଇଛି । ଏହି ଅବସରରେ ପ୍ରଦାନ କରାଯାଇଥିବା ଅତୁଳନୀୟ ଅତ୍ୟାଧୁନିକ କ୍ରୀଡା ସୁବିଧା ପାଇଁ ସମସ୍ତ ଅଂଶଗ୍ରହଣକାରୀ ଏବଂ ଅଧିକାରୀମାନେ କିଟ ଓ କିସର ପ୍ରତିଷ୍ଠାତା ପ୍ରଫେସର ଅଚ୍ୟୁା ସାମନ୍ତଙ୍କୁ ହୃଦୟରୁ କୃତଜ୍ଞତା ଜଣାଇଛନ୍ତି । ସେହିପରି ପ୍ରଫେସର ସାମନ୍ତ ଏବଂ ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଚେୟାରମ୍ୟାନ୍ ତଥା ସଚିବ ମଧ୍ୟ ସମସ୍ତ ଖେଳାଳି ଏବଂ ଅଧିକାରୀଙ୍କୁ ହୃଦୟରୁ ଶୁଭେଚ୍ଛା ଜଣାଇଛନ୍ତି ।
