୨୦ରେ ମୋଦି, ୨୧ରେ ଶାହା
Jitendra Kumar Jena
ଭୁବନେଶ୍ୱର: ଚଳିତ ନିର୍ବାଚନ ପାଇଁ ରାଜ୍ୟ ରାଜନୀତି ସରଗରମ ହୋଇଛି । ରାଜ୍ୟରେ ଶାସକ ବିଜେଡିକି ମାତ ଦେବା ପାଇଁ ବିଜେପିର କେନ୍ଦ୍ରମନ୍ତ୍ରୀ ମାନେ ଓଡିଶାକୁ ଘନଘନ ପ୍ରଚାରରେ ଆସୁଛନ୍ତି । ଏହା ଭିତରେ ପୁଣି ଓଡିଶା ଆସିବେ ପ୍ରଧାନମନ୍ତ୍ରୀ ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହା । ୧୯ରେ ତାରିଖ ସନ୍ଧ୍ୟାରେ ଓଡ଼ିଶା ପହଞ୍ଚିବେ ମୋଦି । ୨୦ ତାରିଖ ସକାଳ ୮ଟାରେ ପୁରୀ ଯାଇ ମହାପ୍ରଭୁଙ୍କୁ ଦର୍ଶନ କରିବାର କାର୍ଯ୍ୟକ୍ରମ ରହିଛି । ପରେ ପୁରୀରେ ରୋଡ ସୋ’ କରିବେ । ସେଠାରୁ ରୋଡ ସୋ’ ସରିଲା ପରେ ସକାଳ ୯ଟାରେ ଅନୁସଭାରେ ଯୋଗ ଦେବେ । ପୁଣି ସେଠାରୁ କଟକ ଆସି ଜିଲ୍ଲା ପଡିଆରେ ସାଢ଼େ ୧୧ରେ ସଭା କରିବାର ଯୋଜନା ରହିଛି ।
ସେହିପରି ୨୧ ତାରିଖରେ ଗୃହମନ୍ତ୍ରୀ ଅମିତ ଶାହାଙ୍କ ୪ଟି ଜାଗାରେ ସଭାର କାର୍ଯ୍ୟକ୍ରମ ରହିଛି । ଶ୍ରୀ ଶାହା ପ୍ରଥମେ ସକାଳେ ସମ୍ବଲପୁରରେ ସଭା କରିବେ । ପରେ କେନ୍ଦୁଝର ଓ ପର୍ଜଙ୍ଗ ସଭାରେ ଯୋଗଦେବେ । ଏହା ପରେ ନୟାଗଡରେ ସଭାରେ ଯୋଗଦେବେ । ଶାହାଙ୍କ ଗସ୍ତ କିପରି ରହିବ ଏନେଇ ସୂଚନା ଦେଇଛନ୍ତି ରାଜ୍ୟ ବିଜେପି ଉପସଭାପତି ଗୋଲକ ମହାପାତ୍ର ।
