ବାଣ କିଣାକୁ ନେଇ ଛୁରାମାଡ ଜଣେ ଆହତ
Srikant Kumar Rout
5273
ବାଲିଅନ୍ତା,୧|୧୧:ବାଣକିଣାକୁ ନେଇ ଧଉଳି ଥାନା ସରଦେଇପୁର ଗ୍ରାମର ଜଣେ ଯୁବକଙ୍କ ଛୁରା ମାଡ଼ରେ ଅନ୍ୟ ଜଣେ ଯୁବକ ଗୁରୁତର ଆହତ ହୋଇଛନ୍ତି l ଆହତ ଯୁବକ ହେଲେ ରଘୁନାଥ ସାହୁ l ଖବରନେବାରେ ଜଣାପଡିଛି ଭାର୍ଗବୀ ନଦୀ ପଠା ସତସଙ୍ଗ ମନ୍ଦିର ନିକଟରେ ରଘୁନାଥ ବାଣଦୋକାନ କରିଥିଲେ l ଗତକାଲି ସନ୍ଧ୍ୟା ସମୟରେ ସେହି ଗ୍ରାମର ଚିକୁନୁ ଓରଫ ଚୈତନ୍ୟ ସାହୁ ବାଣ କିଣିବାକୁ ଯାଇଥିଲେ l ଚିକୁନୁ ବାଣ କିଣିସାରିଲା ପରେ ପଇସା ଦେଇନଥିଲେ l ଏନେଇ ଗତକାଲି ଉଭୟଙ୍କ ମଧ୍ୟରେ ଯୁକ୍ତତର୍କ ହୋଇଥିଲା l ଏହାପରେ ମଧ୍ୟ ଚିକୁନୁ ପଇସା ନ ଦେଇ ପଳାଇଥିଲେ l ଆଜି ପୂର୍ବାହ୍ନ ପ୍ରାୟ ୧0 ଟା ବେଳେ ଚିକୁନୁ ପୁଣି ରଘୁନାଥଙ୍କୁ ଦୋକାନରୁ ବାଣ ନେବାକୁ କହିବା ବେଳେ ସେ ମନା କରିଦେଇଥିଲେ l ଏହାକୁ ନେଇ ଉଭୟଙ୍କ ମଧ୍ୟରେ ଭୀଷଣ ପାଟିତୁଣ୍ଡ ହୋଇଥିଲା l ଏଥିରେ ଉତକ୍ଷିପ୍ତ ହୋଇ ଚିକୁନୁ ରଘୁନାଥଙ୍କୁ ପିଠିକୁ ଏକ ଛୁରୀରେ ଭୂଷି ଦେଇଥିଲେ l ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ବାଳକାଟି ଗୋଷ୍ଠୀସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ l ସେଠାରେ ଅବସ୍ଥା ଗୁରୁତର ହେବାରୁ ରାଜଧାନୀ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି l ଏନେଇ ରଘୁନାଥ ସ୍ଥାନୀୟ ଥାନାରେ ଅଭିଯୋଗ କରିଥିଲେ l ଅଭିଯୋଗ ପାଇ ପୁଲିସ ତଦନ୍ତ ଚଳାଇଛନ୍ତି
