ଶିକ୍ଷୟିତ୍ରୀଙ୍କ ବେକରୁ ଦୁର୍ବୃତ୍ତ ଝାମ୍ପି ନେଲେ ସୁନା ଚେନ୍
Jitendra Kumar Jena
3746
ସୋମବାର ଦିବା ୧୨ଘଟିକା ସମୟରେ ପୈାରାଞ୍ଚଳର କହ୍ନେଇପୁରରେ ରହୁଥିବା ଜନୈକା ଶିକ୍ଷୟତ୍ରୀଙ୍କ ବେକରୁ ଦୁର୍ବୃତ ସୁନା ଚେନ ଝାମ୍ପି ନେଇଥିଲେ । ଏନେଇ କୋରେଇ ଥାନାରେ ଶିକ୍ଷୟତ୍ରୀ ସ୍ୱାଶତୀ ପରିଡ଼ା ଅଭିଯୋଗ କରିଥିବା ବେଳେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି । ଅଭିଯୋଗ ମତେ ଶିକ୍ଷୟତ୍ରୀ ଜଣକ ସ୍କୁଲରୁ ଫେରି ଡ଼ାକ୍ତର ତ୍ରିପାଠୀ ଗଳିରେ ଘରକୁ ଯାଉଥିବା ସମୟରେ ବାଇକରେ ଆସି ଦୁଇଜଣ ଦୁର୍ବୃତ ପପୁ ଘର କେଉଁଠି ବୋଲି ପଚାରିଥିଲେ । ଶିକ୍ଷୟତ୍ରୀ ଜଣକ ଅଟକି ଯାଇ ମୁଁ ଜାଣିନି ବୋଲି କହିବା ଭିତରେ ଦୁର୍ବୃତ ସେ ପିନ୍ଧିଥିବା ଚେନକୁ ଝାମ୍ପି ନେଇ ଦୃତଗତିରେ ପଳାଇଥିଲେ । ଶିକ୍ଷୟତ୍ରୀଙ୍କ ପାଟିରେ ସ୍ଥାନୀୟ ଲୋକେ ଘଟଣା ସ୍ଥଳରେ ପହଁଚି ଦୁର୍ବୃତଙ୍କ ପିଛା କରିଥିଲେ ହେଁ ଧରି ପାରିନଥିଲେ । ବ୍ୟାସନଗର ପୈାରାଞ୍ଚଳରେ ଛିନତାଇ ଘଟଣା ବ୍ୟାପକ ଭାବେ ବଢିଚାଲିଥିବାରୁ ଭୟର ବାତାବରଣ ସୃଷ୍ଟି କରିଛି ।
