ନିଖୋଜ ଯୁବକର ମୃତ ଦେହ ଉଦ୍ଧାର, ହତ୍ୟା ସନେ୍ଦହ
Rasmita Behera
ବୈଶିଙ୍ଗା: ବୈଶିଙ୍ଗା ଥାନା ଅନ୍ତର୍ଗତ ଆମ୍ବଗଡ଼ିଆ ଗ୍ରାମରେ ଜନୈକ ଯୁବକଙ୍କ ଗଳିତ ମୃତଦେହ ଗାଁ ପୋଖରୀରୁ ଉଦ୍ଧାର କରାଯାଇଛି । ସୂଚନା ମୁତାବକ ଏହି ଗ୍ରାମର ମୁରଲି ସିଂଙ୍କ ପୁଅ ୪୦ ବର୍ଷୀୟ ବଚୁ ସିଂ ହଠତ୍ ରବିବାର ଠାରୁ ସନେ୍ଦହଜନକ ଭାବେ ନିଖୋଜ ହୋଇଯାଇ ଥିଲେ । ପରିବାର ଲୋକେ ସମସ୍ତ ସମ୍ପର୍କୀୟଙ୍କୁ ପଚରାଉଚରା ପରେ କୈାଣସି ସନ୍ଧାନ ନମିଳିବାରୁ ନିରାଶ ହୋଇପଡିଥଲେ । ତେବେ ଶୁକ୍ରବାର ଗ୍ରାମ ପୋଖରୀକୁ ଗାଧୋଇବାକୁ ଯାଇଥିବା ବେଳେ ସେଠାରେ ପ୍ରବଳ ଦୁର୍ଗନ୍ଧ ହେଉଥିବା ଯୋଗୁଁ ଗ୍ରାମବାସୀ ପୁଲିସ୍କୁ ଖବର ଦେଇଥିଲେ । ବୈଶିଙ୍ଗା ପୁଲିସ୍ ଘଟଣାସ୍ଥଳରେ ଅଗ୍ନିଶମ ବାହିନୀକୁ ନେଇ ପହଞ୍ଚି ପୋଖରୀରେ ଖୋଜାଖୋଜି କରିବାରେ ବଚୁ ସିଂଙ୍କ ମୃତଦେହ ମିଳିଥିଲା । ଏ ସଂକ୍ରାନ୍ତରେ ପୁଲସ୍ ପକ୍ଷରୁ ଏକ ଅପମୃତୁ୍ୟ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପଠାଯାଇଥିବା ସୂଚନା ମିଳିଛି । ତେବେ କିଭଳି ପରିସ୍ଥିତିରେ ଜଣେ ସୁସ୍ଥ ସବଳ ନିରୋଗା ଯୁବକ ହଠାତ୍ ନିଖୋଜ ହୋଇଯାଇଥିଲେ ଓ ଶେଷରେ ତାଙ୍କ ମୃତଦେହ ପାଣିରୁ ମିଳିଲା ଏ ବାବଦରେ ପୁଙ୍ଖାନୁପୁଙ୍ଖ ତଦନ୍ତ ଆରମ୍ଭ କରିଛି ବୈଶିଙ୍ଗା ପୁଲିସ୍ । ଏହି ଘଟଣାକୁ ନେଇ ପରିବାର ଲୋକେ ହତ୍ୟା ସନେ୍ଦହ କରିଛନ୍ତି ।
