ସାହାଣୀ କପ ଫୁଟବଲ ନିମନ୍ତେ ଦଳ ଚୟନ ପ୍ରକ୍ରିୟା ଆରମ୍ଭ
Srikant Kumar Rout
4213
ନବରଙ୍ଗପୁର: ସ୍ଥାନୀୟ ଷ୍ଟାଡିୟମ୍ ପରିସରରେ ସାହାଣୀ କପ ଫୁଟବଲ ମ୍ୟାଚ ନିମନ୍ତେ ଜିଲ୍ଲା ଦଳ ଚୟନ ପ୍ରକ୍ରିୟା ଆରମ୍ଭ ହୋଇଯାଇଛି। ଚୟନ ପ୍ରକ୍ରିୟା ରେ ଭାଗ ନେବା ନିମନ୍ତେ ଜିଲ୍ଲାର କୋଣ ଅନୁକୋଣ ରୁ ପ୍ରାୟ ୯୦ ଜଣ ଖେଳାଳି ଭାଗ ନେଇଥିଲେ। ପୂର୍ବତନ ସନ୍ତୋଷ ଟ୍ରଫି ଖେଳାଳୀ ପ୍ରଶାନ୍ତ ବେହେରାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଉକ୍ତ ଚୟନ ପ୍ରକ୍ରିୟା କରାଯାଇଥିଲା। ଏହି ପ୍ରକ୍ରିୟାରେ ଅନ୍ୟତମ ଚୟନକର୍ତ୍ତା ଭାବରେ ବରିଷ୍ଠ ପ୍ରାକ୍ତନ ଫୁଟବଲ ଖେଳାଳି ଫିରୋଜ ହିଆଲ ଏବଂ ଦୂର୍ଯ୍ୟ ହରିଜନ ନିଜ ଦାୟିତ୍ଵ ତୁଲାଇଥିଲେ। ଭାଗ ନେଇଥିବା ସମସ୍ତ ଖେଳାଳି ମାନଙ୍କ ମଧ୍ୟରୁ ନେଟ୍ସ ଖେଳିବା ନିମନ୍ତେ ଜିଲ୍ଲା କ୍ରୀଡା ସଂଘର ସଂପାଦକ ପ୍ରହଲ୍ଲାଦ ତ୍ରିପାଠୀ ଏକ ୩୦ ଜଣିଆ ଦଳ ଘୋଷଣା କରିଛନ୍ତି। ଉକ୍ତ ୩୦ ଜଣ ଖେଳାଳିଙ୍କୁ ନେଇ ଖେଳ ମାଧ୍ୟମରେ ବିଭିନ୍ନ ପର୍ଯାୟ ରେ ପରୀକ୍ଷା କରି ଅନ୍ତିମ ୧୮ ଜଣିଆ ଦଳ ଘୋଷଣା କରାଯିବ ବୋଲି କ୍ରୀଡା ସଂଘର ଉପ ସଭାପତି ଏମ. ବାଲାକ୍ରୀଷ୍ଣା ରାଓ କହିଛନ୍ତି। ଉକ୍ତ ଚୟନ ପ୍ରକ୍ରିୟା ରେ ଜିଲ୍ଲା କ୍ରୀଡା ସଂଘର କ୍ରିକେଟ ସମ୍ପାଦକ ଅଶୋକ ନାୟକ, ସଭ୍ୟ ଲାଲମୋହନ ଖାନ, ବରିଷ୍ଠ ପ୍ରାକ୍ତନ ଗୋଲ କିପର ଅଶୋକ ପାତ୍ର, ଶଶାଙ୍କ ଶେଖର ବେହେରା ଏବଂ ମୁରଲୀ ଭୂଷଣ ପ୍ରମୁଖ ସହଯୋଗ କରିଥିଲେ। ସାହାଣୀ କପ୍ ଫୁଟବଲ୍ ଖେଳର ତାରିଖ ଘୋଷଣା ହେବା ପରେ ଦଳ ସହ ଦୁର୍ଯ୍ୟ ହରିଜନ କୋଚ୍ ଭାବରେ ଯିବେ ବୋଲି ଜିଲ୍ଲା କ୍ରୀଡା ସଂଘର ସହ ସମ୍ପାଦକ ମନୋଜ କୁମାର ପଟ୍ଟନାୟକ ସୂଚନା ଦେଇଛନ୍ତି।
