କମନୱେଲଥ ଭାରୋତ୍ତୋଳନ ଚାମ୍ପିଅନସିପରେ କିସର କମାଲ
Srikant Kumar Rout
ଭୁବନେଶ୍ୱର: ଫିଜିର ସୁଭା ଠାରେ ଚାଲିଥିବା ୨୦୨୪ କମନ୍ୱେଲଥ୍ ୟୁଥ୍, ଜୁନିଅର ଏବଂ ସିନିୟର ଭାରୋତ୍ତୋଳନ ଚାମ୍ପିୟନଶିପ୍ରେ କିସର ଛାତ୍ରୀମାନେ କମାଲ କରିଛନ୍ତି । ଫିଜି ପ୍ରଥମ ଥର ପାଇଁ ଏହି ଚାମ୍ପିଅନସିପ୍ ଆୟୋଜନ କରି ଭାରତ, ଇଂଲଣ୍ଡ, ମାଲେସିଆ, ସିଙ୍ଗାପୁର, ୱେଲ୍ସ, କାନାଡା, ଏବଂ ଶ୍ରୀଲଙ୍କା ଭଳି ଦେଶର ଶୀର୍ଷ ଆଥଲେଟ ମାନଙ୍କୁ ଏକତ୍ରିତ କରିଛି । ଅଂଶଗ୍ରହଣକାରୀଙ୍କ ମଧ୍ୟରେ କଳିଙ୍ଗ ଇନଷ୍ଟିଚୁ୍ୟଟ୍ ଅଫ୍ ସୋସିଆଲ୍ ସାଇନ୍ସ (କିସ୍) ର ଦୁଇଜଣ ଛାତ୍ର ଅଛନ୍ତି: ମୀନା ସାଣ୍ଟା (+୨ ଦ୍ୱିତୀୟ ବର୍ଷ କଳା) ଏବଂ ଜ୍ୟୋଶନା ସାବର (+୨ ପ୍ରଥମ ବର୍ଷ କଳା) ରହିଛନ୍ତି । ୫୫ କେଜି ଯୁବକ / ଜୁନିଅର / ସିନିୟର ବର୍ଗରେ ଭାରତର ପ୍ରତିନିଧିତ୍ୱ କରୁଥିବା ଓଡିଶାର ମୀନା ସାଣ୍ଟା ତିନୋଟି ପଦକ ହାସଲ କରିଛନ୍ତି । ଯୁବ ଓ ଜୁନିୟର ବର୍ଗରେ ଦୁଇଟି ସ୍ୱର୍ଣ୍ଣ ଏବଂ ସିନିୟର ବର୍ଗରେ ଗୋଟିଏ ରୌପ୍ୟ ହାସଲ କରିଛନ୍ତି । ୪୦ କେଜି ଯୁବ ବର୍ଗରେ ଓଡିଶାର ଜ୍ୟୋଶନା ସାବର ମଧ୍ୟ ଭାରତର ପ୍ରତିନିଧିତ୍ୱ କରି ମୋଟ ୧୨୩ କିଲୋଗ୍ରାମ (୫୮ କିଲୋଗ୍ରାମ ସ୍ନାଚ୍ ଏବଂ ୬୫ କିଲୋଗ୍ରାମ କ୍ଲିନ୍ ଆଣ୍ଡ ଜର୍କ) ସ୍ୱର୍ଣ୍ଣ ପଦକ ଜିତିଛନ୍ତି । ନିରନ୍ତର ସମର୍ଥନ ଏବଂ କିସ୍ରେ ପ୍ରଦାନ କରାଯାଇଥିବା ଉକôୃଷ୍ଟ ସୁବିଧା ପାଇଁ ଉଭୟ ଆଥଲେଟ୍ କିଟ ଓ କିସର ପ୍ରତିଷ୍ଠାତା ପ୍ରଫେସର ଅଚୁ୍ୟତ ସାମନ୍ତଙ୍କୁ କୃତଜ୍ଞତା ଜଣାଇଛନ୍ତି । ଅନରୁପେ ଭାବେ ପ୍ରଫେସର ସାମନ୍ତ ମୀନା ଏବଂ ଜ୍ୟୋଶନାଙ୍କୁ ଅଭିନନ୍ଦନ ଜଣାଇବା ସହ ଭବିଷ୍ୟତରେ ହେବାକୁ ଥିବା ପ୍ରତିଯୋଗିତାରେ ସେମାନଙ୍କ ସଫଳତା କାମନା କରିଛନ୍ତି ।
