ଉତ୍କଳମଣି ଗୋପବନ୍ଧୁ ମହାବିଦ୍ୟାଳୟର ରୌପ୍ୟ ଜୟନ୍ତୀ
Jitendra Kumar Jena
ମାଲକାନଗିରି: ମାଲକାନଗିରି ଜିଲ୍ଲା ମାଥିଲି ସଦରରେ ଥିବା ଉତ୍କଳମଣି ଗୋପବନ୍ଧୁ ଉଚ୍ଚ ମାଧ୍ୟମିକ ବିଦ୍ୟାଳୟର ରୌପ୍ୟ ଜୟନ୍ତୀ ପାଳନ ପାଇଁ ବିଦ୍ୟାଳୟର ଅଧ୍ୟକ୍ଷ ଡକ୍ଟର ସୁବ୍ରତ କୁମାର ଭଦ୍ରଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଟିତ ହୋଇଯାଇଛି । ଏହି ବୈଠକରେ ୨୦୧୫ ମସିହା ଠାରୁ ୨୦୨୦ ମସିହା ମଧ୍ୟରେ ଯେଉଁ ଛାତ୍ରଛାତ୍ରୀ ଅଧ୍ୟୟନ କରିଛନ୍ତି ସେମାନଙ୍କୁ କିଭଳି ଯୋଗାଯୋଗ କରିହେବ ସେହି ବିଷୟରେ ଆଲୋଚନା ହୋଇଥିଲା । ଏହି ବୈଠକରେ ପୂର୍ବତନ ଛାତ୍ର କୁଶ ତାତି, ଆସିଫ ସାହା, ରୋହିତ ବେହେରା, ସୁବାସ ଖୁଡୁପିଆ, କୁନା ଅନୁଗୁଳିଆ, ବଂଶୀ ବୁରୁଦା, ସୁଦର୍ଶନ କୋପେ, ନରେନ୍ଦ୍ର ନିହାଲ, ମହମଦ ମୁକ୍ତିଆର,ସମେତ ପଚାଶରୁ ଉର୍ଦ୍ଧ ଛାତ୍ରଛାତ୍ରୀ ଉପସ୍ଥିତ ଥିଲେ । ପୂର୍ବତନ ଛାତ୍ର ଛାତ୍ରୀ ସେମାନଙ୍କ ବେଚର ସାଙ୍ଗ ସାଥି କେଉଁଠି ଅଛନ୍ତି ସେମାନଙ୍କୁ ଯୋଗାଯୋଗ କରିବା ପାଇଁ ଅଧ୍ୟକ୍ଷ ଡକ୍ଟର ଭଦ୍ର ପରାମର୍ଶ ଦେଇଥିଲେ । ଉପସ୍ଥିତ ଥିବା ପୂର୍ବତନ ଛାତ୍ରଛାତ୍ରୀ ରୌପ୍ୟ ଜୟନ୍ତୀ କାର୍ଯ୍ୟକ୍ରମରେ ସମସ୍ତ ପ୍ରକାର ସାହାଯ୍ୟ ସହଯୋଗ କରିବେ ବୋଲି ମତ ରଖିଥିଲେ ସମସ୍ତ ଛାତ୍ରଛାତ୍ରୀ ଏକତ୍ର ହେବାପାଇଁ ଆଲୋଚନା କରିଥିଲେ ।
