ପୁରୀ ରେଲୱେ ଷ୍ଟେସନ୍ରେ ସ୍ୱଚ୍ଛତା ହିଁ ସେବା ଅଭିଯାନ ଅନୁଷ୍ଠିତ
Jitendra Kumar Jena
4460
ପୂର୍ବତଟ ରେଲୱେ ଦ୍ୱାରା ଆୟୋଜିତ କାର୍ଯ୍ୟକ୍ରମ ସ୍ୱଚ୍ଛତା ହିଁ ସେବା ଅଭିଯାନ ସହ ଶ୍ରମଦାନ କରାଯାଇଥିଲା । ଯେଉଁଥିରେ ରେଲୱେ କର୍ମଚାରୀଙ୍କ ଦ୍ୱାରା ଶ୍ରମଦାନ, ଦୁଇଟି ନୁକ୍କଡ୍ ନାଟକ, ପ୍ରଚାଳନ କ୍ଷେତ୍ର ଏବଂ ପ୍ଲାଟଫର୍ମରେ ସ୍ୱଚ୍ଛତା ପାଇଁ ଯାତ୍ରୀଙ୍କୁ ପରିବେଶମାନ ଥଳୀ ବଣ୍ଟନ କରାଯାଇଥିଲା ।
ପୂର୍ବ କୋଷ୍ଟ ରେଲୱେର ଏଜିଏମ୍ ଏମ୍କେ ବେହେରା ଏହି କାର୍ଯ୍ୟକ୍ରମରେ ନେତୃତ୍ୱ ନେଇଥିଲେ । ଏହି କାର୍ଯ୍ୟକ୍ରମରେ ବହୁ ବରିଷ୍ଠ ଅଧିକାରୀମାନେ ଉପସ୍ଥିତ ରହିଥିଲେ । ଜଗନ୍ନାଥ ଧାମ ପୁରୀ ରୋଟାରି କ୍ଲବ ଓ ଭୁବନେଶ୍ୱର ଗ୍ୟାଲାକ୍ସି ରୋଟାରି କ୍ଲବ, ପୂର୍ବ କୋଷ୍ଟ ରେଲୱେ, ଭାରତ ସ୍କାଉଟସ୍ ଏବଂ ଗାଇଡ୍ସ ପୁରୀ, ଆର୍ପିଏଫ୍ ପରିବାର ଓ ବିଶାଳ ସଂଖ୍ୟକ ରେଲୱେ ପରିବାର କର୍ମଚାରୀମାନେ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମ ଦିନେଶ କୁମାରଙ୍କ ଦ୍ୱାରା ପରିଚାଳିତ ହୋଇଥିଲା ।
