ବାଇକ୍ ଦୁର୍ଘଟଣାରେ ଯୁବକଙ୍କ ମୃତୁ୍ୟ
Srikant Kumar Rout
ବୁଗୁଡା : ବୁଗୁଡା ଥାନା ଅନ୍ତର୍ଗତ ବି.କରଡ଼ାବାଡ଼ି ଓ ତାକରଡା ରାସ୍ତା ମଝିରେ ଗତକାଲି ରାତି ପ୍ରାୟ ୧୦ଟା ବେଳେ ବାଇକ୍ ଦୁର୍ଘଟଣାରେ ଜଣେ ଯୁବକ ମୃତୁ୍ୟ ବରଣ କରିଥିବା ଜଣାଯାଇଛି । ମୃତକ ଜଣକ ହେଲେ ବୁଗୁଡା ବ୍ଲକ ଅନ୍ତର୍ଗତ କରଚୁଲି ଗାଁ ବଡସାହିର ୪୦ ବର୍ଷୀୟ ଯୁବକ ରାଜେନ୍ଦ୍ର ନାୟକ । ପ୍ରକାଶ ଯେ , ବୁଧବାର ରାତିରେ ରାଜେନ୍ଦ୍ର ବାଇକରେ ବୁଗୁଡାରୁ ଘରକୁ ଫେରୁଥିଲେ । ତେବେ ରାସ୍ତା କାମ ଚାଲିଥିବାରୁ ଏଆରଏସଏସ କମ୍ପାନୀର ଫେବର ମେସିନଟି ରାସ୍ତାର ଏକ ପାର୍ଶ୍ୱରେ ରହିଥିଲା ବେଳେ ତାହା ସହିତ ରାଜେନ୍ଦ୍ରଙ୍କ ବାଇକ୍ ଧକ୍କା ହୋଇଥିଲା । ଦୁର୍ଘଟଣାରେ ଗୁରୁତର ହୋଇଥିବା ରାଜେନ୍ଦ୍ରକୁ ସ୍ଥାନୀୟ ଲୋକଙ୍କ ସହାୟତାରେ ବୁଗୁଡା ମେଡିକାଲକୁ ଅଣାଯାଇଥିଲା । ତାଙ୍କର ମୁଣ୍ଡରେ ଗଭୀର ଆଘାତ ଲାଗିଥିଲା । ପ୍ରାଥମିକ ଚିକିସôା କରାଯାଉଥିବା ବେଳେ ତାଙ୍କର ମୃତୁ୍ୟ ଘଟିଥିଲା । ଏ ନେଇ ଖବର ପାଇ ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ସେଠାରୁ ବାଇକଟିକୁ ଜବତ କରିଥିଲା । ଏଥି ସହ ମେଡିକାଲରେ ପହଞ୍ଚି ଶବକୁ ଜବତ କରି ଆଜି ସକାଳେ ବ୍ୟବଚ୍ଛେଦ ପାଇଁ ପଠାଇଥିଲା । ଏ ନେଇ ବୁଗୁଡା ଥାନାରେ କେସ୍ ନଂ ୩୯୯/୨୪ରେ ଏକ ମାମଲା ରୁଜୁ ହୋଇଥିବା ଜଣାଯାଇଛି ।
