ସାଂସଦଙ୍କୁ ଭୂମିଜ ସମାଜ ତରଫରୁ ଦାବିପତ୍ର
Jitendra Kumar Jena
ଭୂମିଜ ସମାଜ ତରଫରୁ ଏକ ପ୍ରତିନିଧି ଦଳ ମୟୂରଭଞ୍ଜ ସାଂସଦ ନବ ଚରଣ ମାଝୀଙ୍କୁ ବହୁଭାଷୀ ଶିକ୍ଷକ ନିଯୁକ୍ତି ପ୍ରକ୍ରିୟାରେ ଭୂମିଜ ଭାଷାକୁ ଉପେକ୍ଷା କରିବା ପ୍ରତିବାଦରେ ଏକ ଦାବିପତ୍ର ପ୍ରଦାନ କରିଥିଲେ । ପକାଶ ଥାଉକି, ଭୂମିଜ ଏକ ସ୍ୱତନ୍ତ୍ର ଜନଜାତି ଅଟେ । ଏହାର ନିଜସ୍ୱ ଲିପି ଅଲ ଅନଲ ଅଟେ । ଭୂମିଜ ଭାଷାର ନିଜସ୍ୱ ଡିକସନାରୀ ମଧ୍ୟ ଉପଲବ୍ଧ ଅଛି । ଭୂମିଜ ଭାଷାର ୟୁନିକୋଡ ମଧ ରହିଛି । ତଥାପି ନିକଟ ଅତୀତରେ ବହୁଭାଷୀ ଶିକ୍ଷକ ନିଯୁକ୍ତି ନିମନ୍ତେ ବିଜ୍ଞାପନ ପ୍ରକାଶିତ ହେଇ ୨୧ଟି ଜନଜାତିରେ ଶିକ୍ଷକ ନିଯୁକ୍ତି ନିମନ୍ତେ ବିଜ୍ଞାପନ ପ୍ରକାଶ ପାଇଛି । କିନ୍ତୁ ଭୂମିଜ ଭାଷାକୁକୁ ଜାଣି ଶୁଣି ଅବହେଳିତ କରାଯାଇଛି । ଏଥି ନିମନ୍ତେ ଭୂମିଜ ସମାଜ ତରଫରୁ ଭାରତୀୟ ଆଦିବାସୀ ଭୂମିଜ ସମାଜର ସଭାପତି ଗହ୍ମା ସିଂ, ଜିଲ୍ଲା ସଭାପତି ରାଜକୁମାର ସିଂ, ଗୀତାମଣି ସିଂ,ଦେବକୀ ସିଂ, ଅଭିମନୁ୍ୟ ସି ସର୍ଦାର, ରଞ୍ଜନ କୁମାର ସିଂ ପ୍ରମୁଖ ଉପସ୍ଥିତ ରହିଥିଲେ । କରଞ୍ଜିଆ ବିଧାୟକ ପଦ୍ମଲୋଚନ ହାଇବୁରୁ ରାଇରଙ୍ଗପୁର ବିଧାୟକ ଜଲେନ ନାୟକଙ୍କୁ ମଧ୍ୟ ଭୂମିଜ ସମାଜର ପ୍ରତିନିଧି ଭେଟି ସରକାରଙ୍କ ଅବହେଳା ସମ୍ପର୍କରେ ଅବଗତ ସହ ଲିଖିତ ଆକାରରେ ଅଭିଯୋଗ କରିଥିଲେ ।
