ଚମ୍ପୁଆରେ ବିଜେପି କାର୍ୟ୍ୟାଳୟ ଉଦଘାଟିତ
Srikant Kumar Rout
ଚମ୍ପୁଆ: ଚମ୍ପୁଆ ସ୍ଥିତ ମଥୁରା ମାର୍କେଟ କମ୍ପ୍ଲେକ୍ସ ଠାରେ ଭାରତୀୟ ଜନତା ପାର୍ଟିର କାର୍ୟ୍ୟାଳୟ ଆନୁଷ୍ଠାନିକଭାବେ ଉଦଘାଟିତ ହୋଇଯାଇଛି । ଏହି ଉଦଘାଟନି ଉତ୍ସବରେ ମୁଖ୍ୟଅତିଥି ଭାବେ ଚମ୍ପୁଆ ନିର୍ବାଚନମଣ୍ଡଳୀର ବିଧାୟକ ପ୍ରାର୍ଥୀ ଡକ୍ଟର ମୁରଲି ମନୋହର ଶର୍ମା ମୁଖ୍ୟଅତିଥି ଭାବେ ଯୋଗଦାନ କରିଥିଲାବେଳେ ଅନ୍ୟତମ ଅତିଥିଭାବେ ରାଜ୍ୟ କୃଷକ ମୋର୍ଚ୍ଚା ସଭାପତି ମହେଶ୍ଵର ସାହୁ ଯୋଗଦେଇ ଖଣିଜ ସମ୍ପଦରେ ଭରା ଚମ୍ପୁଆ ଉପଖଣ୍ଡ ପ୍ରତି ରାଜ୍ୟ ସରକାରଙ୍କ ବୈମାତୃକ ମନୋଭାବ ବିଷୟରେ ଆଲୋକପାତ କରିବା ସହିତ ଚଳିତ ନିର୍ବାଚନରେ ବିଜେପି ବିଜୟ ହେଲେ ସ୍ୱାସ୍ଥ୍ୟ,ଶିକ୍ଷାକୁ ଭୂବନେଶ୍ଵର ସ୍ତରୀୟ କରିବାକୁ ପ୍ରତିଶ୍ରୁତି ଦେଇଥିଲେ । ଏହି କାର୍ୟ୍ୟକ୍ରମରେ ଶତାଧିକ ବିଜେପି କର୍ମୀ ଯୋଗଦାନ କରିଥିବାବେଳେ ଆଗାମୀ ଦିନରେ ପ୍ରଚାରକୁ ତ୍ୱରାନ୍ୱିତ କରାଯିବ ବୋଲି ସୂଚନା ଦେଇଥିଲେ । ଏହି କାର୍ୟ୍ୟକ୍ରମରେ ବିଜେପି କର୍ମୀ ରାଜେଶ ଆଚାର୍ୟ୍ୟ,ରମେଶ ପ୍ରଧାନ, ସଞ୍ଜୟ ଗିରି, ମହତାବ ଆଲାମ, ସିର୍ଦ୍ଧା ଥ ସିଂ, ସନ୍ତୋଷ ସାହୁ, ଝରଣା ମହାନ୍ତ, ଚିରଞ୍ଜିତ ମହାନ୍ତ, ସଚିନ ଦାସ, ଅଭିନୟ ସାହୁ ପ୍ରଭୂତି ଯୋଗଦାନ କରିଥିଲେ ।
