ଦୁର୍ଘଟଣାରେ ୪ ଆହତ
Srikant Kumar Rout
4613
ଭୁବନେଶ୍ୱର: ରାଜଧାନୀରେ ଘଟିଛି ସଡ଼କ ଦୁର୍ଘଟଣା । ଗୋଟିଏ କାରକୁ ଧକ୍କା ଦେଇ ରାସ୍ତାକଡକୁ ଓଲଟି ପଡିଛି ଅନ୍ୟ କାର୍ । ରାଜଧାନୀ ଭୁବନେଶ୍ୱର ସ୍ଥିତ ରେଣ୍ଟାଲ କଲୋନୀରୁ ଭରତପୁର ଯିବା ରାସ୍ତାରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାରେ ୪ ଜଣ ଆହତ ହୋଇଛନ୍ତି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଗତକାଲି ଏକ କାରଟି ଦ୍ରୁତ ଗତିରେ ଆସି ରାସ୍ତାକଡରେ ଥିବା କାର୍କୁ ଧକ୍କା ଦେଇଥିଲା । ପରେ ଦୁର୍ଘଟଣାଗ୍ରସ୍ତ କାର୍ଟି ରାସ୍ତାକଡକୁ ଓଲଟି ପଡିଥିଲା । ଦୁର୍ଘଟଣାରେ ୪ ଜଣ ହୋଇଥିଲେ । ରାସ୍ତାଉପରେ କାରଟି ଓଲଟି ପଡିଥିବାରୁ ଯାତାୟତ ପ୍ରଭାବିତ ହୋଇଥିଲା । ପୁଲିସ ଓ ଅଗ୍ନିଶମ ବାହିନୀ ପହଞ୍ଚି ଦୁର୍ଘଟଣାଗ୍ରସ୍ତ କାର୍କୁ ଓଠାଇବା ପରେ ଗାଡି ଚଳାଚଳ ସ୍ୱାଭାବିକ ହୋଇଥିଲା । ପୁଲିସ ଦୁର୍ଘଟଣାଗ୍ରସ୍ତ କାରକୁ ଜବତ କରି ଘଟଣାର ତଦନ୍ତ କରୁଛି ।
