ଭାଗବତ ଜନ୍ମୋତ୍ସବ ପାଳିତ
Jitendra Kumar Jena
5044
ବ୍ରହ୍ମବରଦା: ପବିତ୍ର ଇନ୍ଦୁ ପୂର୍ଣ୍ଣିମା ଅବସରରେ ଚାନ୍ଦପୁର-ମହେଶ୍ୱରପୁର ପଞ୍ଚାୟତର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ହରେକୃଷ୍ଣ ଯୁବ ସଂଘ ଆନୁକୂଲ୍ୟରେ ବାର୍ଷିକ ଭାଗବତ ଜନ୍ମୋତ୍ସବ ପାଳିତ ହୋଇଯାଇଛି । ଏହି କ୍ରମରେ ଗ୍ରାମର ରଘୁନାଥଜୀଉ ମନ୍ଦିର ପ୍ରାଙ୍ଗଣରେ ହିନ୍ଦୁ ଧର୍ମର ପରମଶାସ୍ତ୍ର ପବିତ୍ର ଭାଗବତର ସମସ୍ତ ରୀତିନୀତି ଅନୁଯାୟୀ ପୂଜାର୍ଚ୍ଚନା କରାଯାଇଥିଲା । ଏହି ଅବସରରେ ଅନୁଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ପାଲା ପରିବେଷଣ କରାଯାଇଥିଲା । ସୁଦୂର ଜଗସିଂହପୁର ଜିଲାରୁ ଆସିଥିବା ଗାୟକ ପ୍ରବୀର ସନାତନ ଦାସ ଓ ସାଥୀ କଳାକାର ମାନେ ପାଲା ମାଧ୍ୟମରେ ଭାଗବତର ଜନ୍ମ ବୃତାନ୍ତ ଓ ପଠନର ଉପକାରିତା ସମ୍ପର୍କରେ ଉପସ୍ଥିତ ଗ୍ରାମବାସୀ ମାନଙ୍କୁ ବୁଝାଇଥିଲେ ଥିଲେ । କାର୍ଯ୍ୟକ୍ରମରେ ଗ୍ରାମର ସହସହ ଭକ୍ତ ଓ ଶ୍ରଦ୍ଧାଳୁ ଯୋଗଦେଇଥିବା ବେଳେ ଅନୁଷ୍ଠାନର ସମସ୍ତ ସଭ୍ୟ ଓ କର୍ମକର୍ତ୍ତା ସହଯୋଗ କରିଥିଲେ ।
