ଗଛ ପଡି ଦୋକାନ ଓ ବାଇକ ଚୁରମାର
Rasmita Behera
5034
ବିଞ୍ଝାରପୁର: ବିଞ୍ଝାରପୁର ଥାନା ଅନ୍ତର୍ଗତ ଅରେଇ ଛକ ନିକଟରେ ଥିବା ଦୀର୍ଘ ଦିନର ଏକ ବରଗଛ ଆଜି ସକାଳୁ ହଠାତ ଉପୁଡି ପଡିବାରୁ ଦୁଇଟି ଦୋକାନ ଓ ଗୋଟିଏ ବାଇକ ସମ୍ପୁର୍ଣ୍ଣ ନଷ୍ଠ ହୋଇଛି । ସକାଳୁ ବରଗଛଟି ହଠାତ ଉପୁଡି ପଡିଥିଲା । ନିକଟରେ ଥିବା ସୋମନାଥ ସାମଲଙ୍କ ଦୋକାନ ଓ ବାଇକ ଉପରେ ଗଛଟି ପଡିଯାଇଥିଲା । ଫଳରେ ସୋମନାଥଙ୍କ ଦୋକାନ ଓ ବାଇକ ସମ୍ପୂର୍ଣ୍ଣ ଚୁରମାର ହୋଇଯାଇଥିଲା । ଗଛ ପଡିବା କାରଣରୁ ମୁଖ୍ୟରାସ୍ତା ଅବରୋଧ ହୋଇଥିଲା । ଖବର ପାଇ ବିଞ୍ଝାରପୁର ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ମୁଖ୍ୟ ରାସ୍ତାରୁ ଗଛଟିକୁ କାଟି ସଫା କରିବା ପରେ ଗାଡି ଚଳାଚଳ ସ୍ୱଭାବିକ ହୋଇଥିଲା ।
