ଚୋରା ମାଙ୍କଡା ପଥର ଗାଡି ଜବତ
Jitendra Kumar Jena
ଢେଙ୍କାନାଳ ଜିଲ୍ଲା ଗଁଦିଆ ପୋଲିସ ବେଆଇନ ଭାବରେ ଏକ ମାଙ୍କଡା ପଥର ବୋଝେଇ ଗାଡିକୁ ଜବତ କରିଛି । ଗଁଦିଆ ଥାନା ଅଧିକାରୀ ସଲିଳ କୁମାର ପ୍ରଧାନଙ୍କ ନିଦେ୍ର୍ଦଶରେ ଥାନା ସବ ଇନ୍ସପେକ୍ଟର ସୁବ୍ରତ ସାହୁ ଓ ସବ ଇନ୍ସପେକ୍ଟର ଦିବ୍ୟ ରାଉତ ଏକ ୱାରେଣ୍ଟିକୁ ଧରିବାକୁ ଯାଇ ଫେରୁଥିବା ସମୟରେ ଯୋରନ୍ଦା ନିକଟସ୍ଥ ନଟିମା ବଜାର ଠାରେ ଭୋର ସମୟରେ ମାଙ୍କଡା ପଥର ବୋଝଇ ଏକ ମିନିଟ୍ରକକୁ ଅଟକାଇ ଥିଲେ । ଙଊ ୦୬ଏ-୬୮୦୮ ନମ୍ବର ଏହି ମାଙ୍କଡା ପଥର ବୋଝେଇ ଗାଡିକୁ ଅଟକ କରି କାଗଜ ପତ୍ର ଯାଞ୍ଚ ସମୟରେ କୌଣସି ପରମିଟ ନଥାଇ ଉକ୍ତ ମାଙ୍କଡା ପଥର ଯାଉଥିବାର ଜଣା ପଡିଥିଲା । ଘଟଣା ସ୍ଥଳରେ ଉକ୍ତ ଗାଡିକୁ ଜବତ କରିବା ସହିତ ଚାଳକ ଯଦୁପୁର ଗ୍ରାମର ରାମଚନ୍ଦ୍ର ପଧାନକୁ ଗିରଫ କରିଥିଲା । ଗଁଦିଆ ପୋଲିସ କେସ ନ ୩୦୦/୨୪ରେ ଏକ ମାମଲା ୠଜୁକରି କୋର୍ଟ ଚାଲାଣ କରାଯାଇଥିବା ବେଳେ ତାର ଯାମିନୀ ନା ମଂଜୁର ହେବାରୁ ତାକୁ ଜେଲ ହାଜତକୁ ପଠାଇ ଦିଆଯାଇଥିବା ଥାନା ଅଧିକାରୀ ଶ୍ରୀ ପ୍ରଧାନ ପ୍ରକାଶ କରିଛନ୍ତି । ଆଗକୁ ପାର୍ବଣ ଋତୁ ଅଛି । ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିଦେ୍ର୍ଦଶରେ ଏବେ ଠାରୁ ଗଁଦିଆ ପୋଲିସ ପକ୍ଷରୁ ପେଟ୍ରୋଲିଙ୍ଗ ବ୍ୟବସ୍ଥାକୁ ନିୟମିତ କରିବା ସହିତ ବେଆଇନ କାର୍ଯ୍ୟକଳାପକୁ ଦୃଢ଼ ଭାବରେ ଦମନ କରିବାକୁ ସମସ୍ତ ପଦକ୍ଷେପ ପୋଲିସ ପକ୍ଷରୁ ଜାରିରହିବ ବୋଲି ଥାନା ଅଧିକାରୀ ଶ୍ରୀ ପ୍ରଧାନ କହିଛନ୍ତି ।
