ବାଇକ ଚୋର ଗ୍ୟାଙ୍ଗର ୫ ଗିରଫ, ୧୧ବାଇକ ଜବତ
Jitendra Kumar Jena
ସମ୍ବଲପୁର: ସମ୍ବଲପୁର ଧନୁପାଲି ଥାନା ପୁଲିସ ଏକ ବାଇକ ଚୋର ଗ୍ୟାଙ୍ଗର ୫ଜଣ ସଦସ୍ୟଙ୍କୁ ଗିରଫ କରିଛି । ସେମାନଙ୍କ ଠାରୁ ୧୧ଟି ଚୋରି ବାଇକ ଜବତ ହୋଇଛି । ସୂଚନାଯୋଗ୍ୟ, ଧନୁପାଲି ଥାନା ଅନ୍ତର୍ଗତ ମଠପାଲି ଭତରା ଗ୍ରାମର ଶେଷଦେବ ବରିହାଙ୍କ ସ୍କୁଟି ଗାଡି ନମ୍ବର( ଓଡି୧୫ପି-୪୪୯୦) ଗତ ୨ତାରିଖ ରାତିରେ ଚୋରି ହୋଇଥିଲା । ଅଭିଯୋଗ ପରେ ପୋଲିସ ୩୫୬/୨୪ରେ ଏକ ମାମଲା ରୁଜୁ କରି ତଦନ୍ତ କରିଥିଲା । ତଦନ୍ତ ବେଳେ ଚୋରି ସ୍କୁଟି ସହ ୧୧ଟି ବାଇକ ଜବତ ହୋଇଛି । ଏହି ଅଭିଯୋଗରେ ଭତରା ବେତେରାପଡାର ସାମଲ ହରି (୨୨) ଓ ଅର୍ଜୁନ ନାଏକ(୨୧),ଗୁଣ୍ଡେରପୁର ବେତେରାପଡାର ଅରକ୍ଷିତ ବାଗ(୨୪), ମଠପାଲି ଭତରାର ପିଣ୍ଟୁ ଗୁରୁ(୨୦) ଏବଂ ମଠପାଲିର ସଞ୍ଜିବ ଭୋଇ (୨୪)ଙ୍କୁ ଗିରଫ କରାଯାଇଛି । ଏମାନେ ସଦର, ଟାଉନ, ରେଙ୍ଗାଲି ଓ ଧନୁପାଲିର ବିଭିନ୍ନ ବାଇକ ଚୋରି ମାମଲାରେ ସଂପୃକ୍ତ ଥିବା ଜଣାପଡିଛି । ତେବେ ଏହି ଗ୍ୟାଙ୍ଗର ଅନ୍ୟ ସଦସ୍ୟମାନେ ଫେରାର ଥିବା ସଦର ଏସ୍ଡିପିଓ ତୋଫାନ କୁମାର ବାଗ ସୂଚନା ଦେଇଛନ୍ତି ।
