ଟ୍ରକ ସହ ୨୪୦୦ କଫସିରପ ଜବତ, ୪ଗିରଫ
Rasmita Behera
5495
ାା ପ୍ରଭାନୁ୍ୟଜ୍ ।ା ସମ୍ବଲପୁର : କଲିକତାରୁ ସମ୍ବଲପୁରକୁ ଏକ ମିିନିଟ୍ରକ ଯୋଗେ କଫସିରପ ଆସୁଥିବା ଖବର ପାଇ ଅବକାରୀ ପୋଲିସ ପଡିଆବାହାଲ ଛକରୁ ଗାଡିକୁ ପିଛା କରିଥିଲା । ସିନ୍ଦୁରପଙ୍କ ଚୌଧୁରୀ ଛକରେ ଗାଡି ନମ୍ବର( ଏମ୍ଏଚ୍୪୦ସିଟି-୦୯୪୬)କୁ ଅଟକାଇ ଯାଞ୍ଚ କରିଥିଲା । ଯାଞ୍ଚବେଳେ ଟ୍ରକରୁ ଉପରୋକ୍ତ କଫସିରପ ଜବତ ହୋଇଛି । ଏହି ଘଟଣାରେ ମହାରାଷ୍ଟ୍ର ଶାନ୍ତନଗର ଅଞ୍ଚଳର ଡ୍ରାଇଭର ଗୁରମିଲ ସିଂହ(୫୫) ଓ ହେଲପର ପଞ୍ଜାବର ପବରାଲିର ବୈଜିନ୍ଦ୍ର ସିଂହ(୩୮)ଙ୍କୁ ଗିରଫ କରାଯାଇଛି । ଏହି କଫସିରପକୁ ନେବା ପାଇଁ ବାଇକ ଯୋଗେ ଆସିଥିବା ସ୍ଥାନୀୟ ବୁର୍ଲା ଲଡୁଖାଇ ଗ୍ରାମର ମନୋଜ କୁମାର ପୃଷେଠ(୩୯) ଓ ଗୋଶାଳାର ଜିତୁ ସାହୁ(୩୦)ଙ୍କ ମଧ୍ୟ ଗିରଫ କରାଯାଇଛି । ଏମାନେ କଲିକତାରୁ ବେଆଇନ ଭାବେ କଫସିରପ ଆଣି ସହରରେ ଚଢାଦରରେ ବିକ୍ରି କରୁଥିବା ତଦନ୍ତ ବେଳେ ଅବକାରୀ ପୋଲିସ ଜାଣିବାକୁ ପାଇଛି । ଜବତ ସାମଗ୍ରୀର ମୂଲ୍ୟ ୧୨ଲକ୍ଷ ଟଙ୍କା ହେବ ବୋଲି ଜଣାପଡିଛି ।
