ଜାତୀୟ ବିଶ୍ୱବିଦ୍ୟାଳୟ କ୍ରିକେଟ୍ ଦଳରେ ସ୍ଥାନ ପାଇଲେ ସୁଜଲ କେ ସିଂ
Rasmita Behera
ସମ୍ବଲପୁର: ସମ୍ବଲପୁର ବିଶ୍ୱବିଦ୍ୟାଳୟ କ୍ରିକେଟ ଦଳର ଅଧିନାୟକ ତଥା ଡାହାଣ ହାତି ବ୍ୟାଟ୍ସମ୍ୟାନ ସୁଜଲ କେ ସିଂହ ଭାରତର ଜାତୀୟ ବିଶ୍ୱବିଦ୍ୟାଳୟ ଦଳରେ ସ୍ଥାନ ପାଇଛନ୍ତି । ସୁଜଲ ଆସନ୍ତା ୨୫ ରୁ ଡିସେମ୍ବର ୬ ତାରିଖ ଯାଏ ଖେଳାଯିବାକୁ ଥିବା ଭାରତ ଓ ଅଷ୍ଟ୍ରେଲିଆ ଦ୍ୱିପାକ୍ଷିକ ଅନ୍ତଃବିଶ୍ୱବିଦ୍ୟାଳୟ କ୍ରିକେଟ ମ୍ୟାଚରେ ଭାରତ ପକ୍ଷରୁ ପ୍ରତିନିଧିତ୍ୱ କରିବାକୁ ଯୋଗ୍ୟ ବିବେଚିତ ହୋଇଛନ୍ତି । ଏହି ମ୍ୟାଚଗୁଡିକ ମୁମ୍ବାଇ ଓ ଭୁବନେଶ୍ୱରରେ ଅନୁଷ୍ଠିତ ହେବ ।
ଏହି ବିଷୟରେ ଆଜି ଏକ ବିଶ୍ୱବିଦ୍ୟାଳୟର କୁଳପତି ବିଧୁ ଭୂଷଣ ମିଶ୍ର, କୁଳ ସଚିବ ନୃପରାଜ ସାହୁ, ପିଜି କାଉନସିଲର ଅଧ୍ୟକ୍ଷ ତୁଷାର କାନ୍ତ ଦାସ, ବିତ୍ତ ନିୟନ୍ତ୍ରକ ଅଶୋକ କୁମାର ବେହେରା, ସ୍ପୋର୍ଟ୍ସ କାଉନସିଲର ନିଦେ୍ର୍ଦଶକ ଦେବେନ୍ଦ୍ର କୁମାର ମହାଳିକ, କ୍ରୀଡା ଅଧିକାରୀ ଅବିନାଶ କରଙ୍କ ଉପସ୍ଥିତରେ ଏକ ବିଶେଷ ବୈଠକ ବସିଥିଲା । ସର୍ବସମ୍ମତିକ୍ରମେ ସୁଜଲଙ୍କ ଜାତୀୟ ବିଶ୍ୱବିଦ୍ୟାଳୟ ଦଳରେ ପ୍ରତିନିଧିତ୍ୱ ପାଇଁ ଆବଶ୍ୟକ ପାଣ୍ଠି ସମ୍ପୂର୍ଣ୍ଣ ଭାବରେ ସମ୍ବଲପୁର ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ବହନ କରିବେ ବୋଲି ପ୍ରସ୍ତାବ ଅନୁମୋଦିତ ହୋଇଥଲା । ସୁଜଳ ଗତ ବର୍ଷ ସମ୍ବଲପୁର ବିଶ୍ୱବିଦ୍ୟାଳୟ କ୍ରିକେଟ ଦଳର ଅଧିନାୟକ ଥିଲେ । ଦଳ ସର୍ବଭାରତୀୟ ସ୍ତରରେ ତୃତୀୟ ସ୍ଥାନ ଅଧିକାର କରିଥିଲା । ଡାହାଣହାତି ବ୍ୟାଟ୍ସମ୍ୟାନ ସୁଜଲ ପୂର୍ବାଞ୍ଚଳ ଦଳରେ ସାମିଲ ହୋଇଥିଲେ । ସେହି ଭିଜି ଟ୍ରଫି ରେ ତାଙ୍କର ଉଚ୍ଚÿକୋଟିର ପ୍ରଦର୍ଶନ ଆଧାରରେ ସୁଜଳ କେ ସିଂହଙ୍କୁ ଜାତୀୟ ବିଶ୍ୱବିଦ୍ୟାଳୟ ଦଳରେ ପ୍ରତିନିଧିତ୍ୱ କରିବାର ସଯୋଗ ମିଳିପାରିଛି ।
