ସନାତନ ବିଜୁଳିଙ୍କୁ ନେଇ ବଡସାହିରେ ଚର୍ଚ୍ଚା
Srikant Kumar Rout
ବୈଶିଙ୍ଗାରୁ ବିମଳେନ୍ଦୁ ମହାପାତ୍ର
ବଡସାହି ବିଧାନସଭା ନିର୍ବାଚନ ମଣ୍ଡଳୀ ସୃଷ୍ଟି ହେବା ଠାରୁ ଲଗାତାର ଦୁଇଥର ବିଧାୟକ ହେବାରେ ରେକର୍ଡ କରିଥିବା ବିଧାୟକ ସନାତନ ବିଜୁଳି ଏକ ଇତିହାସ ସୃଷ୍ଟି କରିପାରିଛନ୍ତି । ସେଥିପାଇଁ ବିଭିନ୍ନ ସ୍ତରରୁ ତାଙ୍କୁ ଅଭିନନ୍ଦନର ସୁଅ ଛୁଟିଛି । ୨୦୧୯ରେ ଶାସକ ବିଜେଡି ଦଳର ଆଧିପତ୍ୟ ଥିଲେ ମଧ୍ୟ ବିଜେପି ଦଳରୁ ଟିକେଟ ନେଇ ଶ୍ରୀ ବିଜୁଳି ବାରହଜାର ବ୍ୟବଧାନରେ ନିକଟତମ ପ୍ରତିଦ୍ୱନ୍ଦୀ ବିଜେଡି ଦଳର ବିଧାୟକ ପ୍ରାର୍ଥୀ ବୃନ୍ଦାବନ ଦାସଙ୍କୁ ପରାଜିତ କରିଥିଲେ । ଚଳିତ ବିଧାନସଭା ନିର୍ବାଚନରେ ଦଳ ପୁଣି ତାଙ୍କ ଉପରେ ଭରଷା କରି ଟିକେଟ ପ୍ରଦାନ କରିଥଲା । ଶ୍ରୀ ବିଜୁଳି ପାଖାପାଖି ୩୮୦୦୦ ଭୋଟରେ ବିଜେଡି ଦଳର ପ୍ରାର୍ଥୀନୀ ଅନସୂୟା ପାତ୍ରଙ୍କୁ ପରାସ୍ତ କରି ଆଉ ଏକ କିର୍ତ୍ତୀମାନ ସ୍ଥାପନ କରି ପାରିଛନ୍ତି । ଏହି ବ୍ୟବଧାନ ମଧ୍ୟ ସାରା ଓଡ଼ିଶାରେ ଜିତିଥିବା ବିଜେପି ବିଧାୟକ ମାନଙ୍କ ତୁଳନାରେ ଅନ୍ୟତମ ସର୍ବାଧିକ । ଏଥି ସହିତ ତାଙ୍କର ପରି·ଳନା ଗତ ଦକ୍ଷତା ମଧ୍ୟ ଏକ ପ୍ରକାର ସ୍ୱାଗତଯୋଗ୍ୟ । ଏଣୁ ତାଙ୍କୁ ମୂଖ୍ୟମନ୍ତ୍ରୀ କରାଗଲେ ସେ ତାଙ୍କର ଦକ୍ଷତା ପ୍ରତିପାଦନ କରିପାରିବେ ବୋଲି ଭୋଟରମନେ ଆଶାବ୍ୟକ୍ତ କରିଛନ୍ତି । ଦଳୀୟ ହାଇକମାଣ୍ଡ ଏଥି ପ୍ରତି ଦୃଷ୍ଟିଦେଲେ ଭଲ ହୁଅନ୍ତା ବୋଲି ସମର୍ଥକ ମାନେ ମଧ୍ୟ ଗୁହାରୀ ଜଣାଇଛନ୍ତି ।
