ପୌରପାଳିକା ପକ୍ଷରୁ ସ୍ୱଚ୍ଛତା ସଚେତନ ରଥ
Jitendra Kumar Jena
ଆନନ୍ଦପୁର: ସ୍ୱଚ୍ଛତା ଦିବସ ପାଳନ ଅବସରରେ ପୌରପରିଷଦର ବିଭିନ୍ନ ୱାର୍ଡରେ ସ୍ୱଚ୍ଛତା ରଥ ଉଦ୍ଘାଟିତ ହୋଇଯାଇଛି । ପ୍ରତିବର୍ଷ ସେପ୍େଟମ୍ବର ୧୭ତାରିଖରୁ ଅକ୍ଟୋବର ୨ତାରିଖ ପର୍ଯ୍ୟନ୍ତ ପୌରପାଳିକା ପକ୍ଷରୁ ସ୍ୱଚ୍ଛତା ସଚେତନତା କାର୍ଯ୍ୟକ୍ରମ ପାଳନ କରାଯାଇଥାଏ । ତୃତୀୟ ଦିନରେ ପୌର କାର୍ଯ୍ୟନିର୍ବାହୀ ଅଧିକାରୀ ଦେବ ପ୍ରସାଦ ବଳଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଅତିଥି ଭାବେ ପୌରାଧ୍ୟକ୍ଷା ରାଜନୀରାଣୀ ଖଟୁଆ, ପ୍ରାକ୍ତନ ପୌରାଧ୍ୟକ୍ଷ ରାମଚନ୍ଦ୍ର ସାହୁ, ଉପାଧ୍ୟକ୍ଷ ଦୁର୍ଗାଚରଣ ଦଳେଇ ଏବଂ ଜିଲା ବିଜେପି ଉପସଭାପତି ନିରାକାର ଦଳେଇ ପ୍ରମୁଖ ଯୋଗ ଦେଇ ପତାକା ହଲାଇବା ପରେ ରଥ ବିଭିନ୍ନ ୱାର୍ଡ ଅଭିମୁଖେ ଗଡ଼ିଥିଲା । ସିଇଓ ରାଜଶ୍ରୀ ମିଶ୍ର, ସମସ୍ତ କାଉନସିଲର, ସ୍ୱଚ୍ଛସାଥୀ ସୁପରଭାଇଜର, ପରିମଳ ଅଧିକାରୀ ଭାଗିରଥୀ ଦାସ, ସେକ ଆଲାମଙ୍କ ସମେତ କାର୍ଯ୍ୟାଳୟର ସମସ୍ତ କର୍ମଚାରୀ ସହଯୋଗ କରିବା ସହିତ ସ୍ୱଚ୍ଛତା ରଥ ସହିତ ବିଭିନ୍ନ ବ୍ୟାନର ଦେଖାଇ ଶୋଭାଯାତ୍ରାରେ ସାମିଲ ହୋଇଥିଲେ ।
