ବ୍ଲକସ୍ତରୀୟ କୁଇଜ୍ ପ୍ରତିଯୋଗିତା
Rasmita Behera
ାା ପ୍ରଭାନୁ୍ୟଜ ।ା ଦାନଗଦୀ : ଦାନଗଦୀ ଶିକ୍ଷା ମଣ୍ଡଳ ଅଧିନସ୍ଥ ତ୍ରିଜଙ୍ଗା ପୁନର ବସତି କଲୋନୀ ନୋଡାଲ ଉପ୍ରା ବିଦ୍ୟାଳୟରେ ବ୍ଲକ ଶିକ୍ଷା ଅଧିକାରୀ ଶୁଭ୍ରାଂଶୁ ପୁହାଣଙ୍କ ନେତୃତ୍ୱରେ ଦୁଇଦିନ ଧରି ପ୍ରାଥମିକ ଏବଂ ମାଧ୍ୟମିକ ମଣ୍ଡଳସ୍ତରୀୟ କୁଇଜ୍ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ବିଡିଓ ସାରଦା ପ୍ରସନ୍ନ ପଣ୍ଡା ଅତିଥି ଭାବେ ଯୋଗ ଦେଇଥିଲେ । ପ୍ରାଥମିକସ୍ତରରେ ତୃତୀୟ ଶ୍ରେଣୀରୁ ପଞ୍ଚମ ଶ୍ରେଣୀ (ଉପକନିଷ୍ଠ )ଏବଂ ଷଷ୍ଠରୁ ଅଷ୍ଟମ ଶ୍ରେଣୀ (କନିଷ୍ଠ) ଛାତ୍ରଛାତ୍ରୀ ମାନେ ଭାଗ ନେଇଥିଲେ । ମାଧ୍ୟମିକରେ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ଭାଗ ନେଇଥିଲେ । କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ପ୍ରମାଣ ପତ୍ର, ପୁରସ୍କାର ଓ ବିଜୟ ସ୍ମାରକ ପ୍ରଦାନ କରାଯାଇଥିଲା । ଏଥିରେ ସହମଣ୍ଡଳ ଶିକ୍ଷା ଅଧିକାରି କଣ୍ଠ ଦେହୁରୀ, ବଳରାମ ପତି, ଜୟରାମ ମଲ୍ଲିକ ଉପସ୍ଥିତ ରହି କୁଇଜ୍ ପ୍ରତିଯୋଗିତାକୁ ସୂଚାରୁ ସମ୍ପାଦନ କରିଥିଲେ । କାର୍ଯ୍ୟକ୍ରମରେ ବ୍ଲକର ସମସ୍ତ ବିଦ୍ୟାଳୟର ଛାତ୍ରଛାତ୍ରୀଙ୍କ ସହ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଉପସ୍ଥିତ ଥିଲେ ।
