ଆଇଆଇସିଙ୍କୁ ସମ୍ବର୍ଦ୍ଧନା
Srikant Kumar Rout
ତିହିଡି: ବାତ୍ୟା ସମୟରେ ଉଲ୍ଲେଖନୀୟ କାର୍ଯ୍ୟ ପାଇଁ ଭଦ୍ରକ ଜିଲ୍ଲା ତିହିଡି ଥାନାଧିକାରୀଙ୍କୁ ତିହିଡି ଯୁବମଞ୍ଚ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଛି । ବାତ୍ୟା ‘ଦାନା' ସମୟରେ ଥାନା ଅଧିକାରୀ ଭାବେ ପ୍ରସନ୍ନ କୁମାର ନାୟକ ନିଜେ ଆଣ୍ଠୁଏ ପାଣିରେ ପଶି ବିପନ୍ନଙ୍କୁ ଉଦ୍ଧାର କରିବା ରିଲିଫ ବାଣ୍ଟିବା, ମୁଖ୍ୟରାସ୍ତା ଏବଂ ଗ୍ରାମାଞ୍ଚଳ ରାସ୍ତାରେ ଉପୁଡି ପଡ଼ି ରାସ୍ତା ଅବରୋଧ କରୁଥିବା ଗଛ ଗୁଡ଼ିକୁ କାଟି ସଫା କରି ଗମନାଗମନକୁ ଯଥା ଶୀଘ୍ର ସଚଳ କରିବା ଆଦି କାର୍ଯ୍ୟ ନିଶ୍ଚିତ ଭାବେ ତାଙ୍କ ସେବା ପ୍ରାଣର ପରିଚୟ ବହନ କରୁଛି । ସେ ପ୍ରକାଶ କରିଛନ୍ତି ଯେ, ତିହିଡ଼ି ଥାନା ତରଫରୁ ପ୍ରତ୍ୟେକ ବର୍ଷ ତିହିଡ଼ି ବ୍ଲକ ଟପ୍ପରଙ୍କୁ ପୁରସ୍କୃତ କରାଯିବ ଏବଂ ତିହିଡ଼ିକୁ ସରସ ସୁନ୍ଦର କରିବା ପାଇଁ ତିହିଡ଼ି ପୁଲିସ, ସ୍ୱେଚ୍ଛାସେବୀ ଏବଂ ବୁଦ୍ଧିଜୀବୀମାନଙ୍କୁ ନେଇ ‘ଟିମ ତିହିଡ଼ି' ଖୁବ ଶୀଘ୍ର ଗଠନ କରିବେ । ତାଙ୍କର ଏହି ମହାନ ଚିନ୍ତାଧାରା ଏବଂ ମହତ କାର୍ଯ୍ୟ ପାଇଁ ତିହିଡ଼ି ଯୁବମଞ୍ଚ ତରଫରୁ ଶ୍ରୀ ନାୟକ ଓ କର୍ମ·ରୀଙ୍କୁ ସମ୍ବର୍ଦ୍ଧନା ଜ୍ଞାପନ କରା ଯାଇଛି । ସଂଗଠନ ପକ୍ଷରୁ ଉପଦେଷ୍ଟା ସଚ୍ଚିକାନ୍ତ ନାୟକ, ସଭାପତି କୈଳାସ ବେହେର. ସମ୍ପାଦକ ନିରଂଜନ ବାରିକ, ଉପସଭାପତି ପ୍ରିୟବ୍ରତ ପାଢ଼ୀ, ସଂଯୋଜକ ଆଇନଜୀବି ନୀଳମାଧବ ସେନାପତି, କୋଷାଧ୍ୟକ୍ଷ ସାକିରୁଦ୍ଦିନ ଖାଁ ଓ ସୟଦ ରଫିଦ ପ୍ରମୁଖ ସାମିଲ ଥିଲେ ।
