ବାଣ ଫୁଟି ୧୦ଆହତ

Nov 3, 2024 - 16:45

4803

ାା ପ୍ରଭାନୁ୍ୟଜ ।ା ସୋର: ସୋର ପୌରପାଳିକା ଅନ୍ତର୍ଗତ ରାଇପୁର ସମେତ ବିଭିନ୍ନ ଅଞ୍ଚଳରେ ବାଣ ଫୁଟି ୧୦ରୁ ଊଦ୍ଧ୍ୱର୍ ଲୋକ ଆହତ ହୋଇଥିବା ଜଣାପଡିଛି । ଆଲୋକର ପର୍ବ ଦୀପାବଳିକୁ ଲୋକେ ବହୁ ଆନନ୍ଦର ସହ ପାଳୁଥିବା ବେଳେ ବାଣ ଫୁଟାଇବା କାରଣରୁ ଏହିଭଳି ଅଘଟଣ ଘଟିଥିବା ଜଣାପଡିଛି । ସୂଚନା ଅନୁସାରେ, ଗତକାଲି ସନ୍ଧ୍ୟାରେ ରାଇପୁର ଗ୍ରାମର ଖଗେନ୍ଦ୍ର ବାରିକ(୧୧) ଘର ଆଗରେ ଚାଇନା ଦିଆସିଲରେ ବାଣ ଲଗାଉଥିବା ବେଳେ ହଠାତ ବାଣ ତାଙ୍କ ମୁହଁ ନିକଟରେ ଫାଟିଯାଇଥିଲା । ଫଳରେ ସେ ଗୁରୁତର ଆହତ ହୋଇଥିଲେ । ପରିବାର ଲୋକେ ତୁରନ୍ତ ତାଙ୍କୁ ଉଦ୍ଧାର କରି ସୋର ଡ଼ାକ୍ତରଖାନାକୁ ଆଣି ଥିବା ବେଳେ ତାଙ୍କ ମୁହଁ ନାକ ଓ ଆଖିରେ ଗଭୀର କ୍ଷତ ସୃଷ୍ଟି ହୋଇଥିବାରୁ ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରିଥିଲେ । ସେହିପରି ଭାବେ ସୋରର ବିଭିନ୍ନ ଅଞ୍ଚଳରୁ ୧୦ରୁ ଊଦ୍ଧ୍ୱର୍ ଲୋକ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାପଡିଛି ।