ଗୋଟିଏ ହୁଇସିଲ୍ରେ ବିଜେଡ଼ି ଭାଙ୍ଗିଯିବ : ଜୟ ନାରାୟଣ
jay narayan mishra
Ramachandi Prasad
5579
ଭୁବନେଶ୍ୱର : ବିଜେଡ଼ିକୁ ଆଜି କଟାକ୍ଷ କରିଛନ୍ତି ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର । ସିଧାସିଧା କହିଛନ୍ତି, ଗୋଟିଏ ହୁଇସିଲ୍ରେ ବିଜେଡ଼ି ଭାଙ୍ଗିଯିବ । ବିଜେଡ଼ି ନେତାମାନେ ବାହାସ୍ଫୋଟ ଛାଡ଼ି ଆଗ ନିଜ ଘର ସଜାଡ଼ନ୍ତୁ ବୋଲି ଜୟ ନାରାୟଣ କହିଛନ୍ତି । ପ୍ରମିଳା ମଲ୍ଲିକଙ୍କ ମନ୍ତବ୍ୟର ଜବାବରେ ଜୟ ନାରାୟଣ ଏମିତି କହିଛନ୍ତି । ନିକଟରେ ପ୍ରମିଳା କହିଥିଲେଯେ, ଆଜି ଯଦି ନିର୍ବାଚନ ହେବ ତାହେଲେ ବିଜେଡ଼ି ୧୪୦ ଆସନରେ ଜିତିଯିବ । ଏନେଇ ଜୟ ନାରାୟଣ କହିଛନ୍ତିଯେ, ୧୪୦ କଥା ଦୂରେ ଥାଉ ଆଗ ୪୦ ବିଧାୟକ ଜିତାଇକି ଦେଖନ୍ତୁ । ବିଜେଡ଼ିରେ ଗୋଷ୍ଠୀକନ୍ଦଳ ଚାଲିଛି । ଜିଲ୍ଲାସ୍ତରରେ ବିବାଦ ବଢୁଛି । ତାଙ୍କର ଦୁଇ ରାଜ୍ୟସଭା ସାଂସଦ ବି ଦଳ ଛାଡ଼ି ବିଜେପିକୁ ଚାଲି ଆସିଲେଣି । ଗତ କିଛିଦିନ ଧରି ବିଜେଡ଼ି ଓ ବିଜେପି ନେତାଙ୍କ ମଧ୍ୟରେ କଥା କଟିକଟି ଜୋରଧରିଛି ।
