ଏବେ ହାଲ୍କା, ୫ରେ କାଚିବ
Jitendra Kumar Jena
5087
ଏବେ କିଛିଦିନ ହାଲ୍କା ବର୍ଷା ହେବ । ହେଲେ ୫ରୁ ପୁଣି ବର୍ଷା କାଚିବ । ପାଣିପାଗ ବିଭାଗ ପକ୍ଷରୁ ଏଭଳି ପୂର୍ବାନୁମାନ କରାଯାଇଛି । ପାଣିପାଗ ବିଭାଗର ଆକଳନ ଅନୁଯାୟୀ, ଏବେ ଦକ୍ଷିଣ ପଶ୍ଚିମ ମୌସୁମୀ ବାୟୁ ପ୍ରତ୍ୟାହୃତ ହେବାରେ ଲାଗିଛି । ଫିରୋଜପୁର, ସିର୍ସା, ଚୁରୁ, ଆଜମେର, ମାଉଣ୍ଟଆବୁ, ଦିଶା, ସୁରେନ୍ଦ୍ର ନଗର ଓ ଜୁନାଗଡ଼ରେ ମୌସୁମୀ ପ୍ରତ୍ୟାହୃତ ହେଉଛି । ଧିରେଧିରେ ବର୍ଷାର ପରିମାଣ କମିବାରେ ଲାଗିଛି । ଆସନ୍ତା ୨, ୩ ଓ ୪ରେ ରାଜ୍ୟର ବିଭିନ୍ନ ଜିଲ୍ଲାରେ ହାଲ୍କାରୁ ମଧ୍ୟମ ଧରଣର ବର୍ଷା ହେବ । ତେବେ ଅକ୍ଟୋବର ୫ରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ମୟୂରଭଞ୍ଜ, କେନ୍ଦୁଝର, ବାଲେଶ୍ୱର, ଭଦ୍ରକ, ଢେଙ୍କାନାଳ, କଟକ, କେନ୍ଦ୍ରାପଡ଼ା, ଜଗତସିଂହପୁର ଓ ସୁନ୍ଦରଗଡ଼ରେ ପ୍ରବଳ ବର୍ଷା ହେବାର ଥିବାରୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । କିନ୍ତୁ ୬ ଓ ୭ରେ ହାଲ୍କା ବର୍ଷା ନେଇ ପୂର୍ବାନୁମାନ କରାଯାଇଛି ।
