ବେକରେ ଭୁଜାଲି ଲଗାଇ ଲୁଟ୍ ; ୨ ଗିରଫ
Jitendra Sahu
4517
ଭୁବନେଶ୍ୱର, ୨୬ା୮ : ଅଭିଯୋଗକାରୀ ରାତିରେ ନିଜ ଘରକୁ କାରରେ ଫେରୁଥିବା ବେଳେ ତାଙ୍କୁ ଅଟକାଇ ବେକରେ ଭୁଜାଲି ଲଗାଇ ୟୁପିଆଇ ଜରିଆରେ ଟଙ୍କା ଲୁଟ୍ । ଏନେଇ ଲକ୍ଷ୍ମୀସାଗର ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଦୁଇ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ୨ ଅଭିଯୁକ୍ତ ହେଲେ, ଓଲଟାଉନ୍ ରଥ ରୋଡର ଜଗନ୍ନାଥ ପାତ୍ର ଓ ପୁରୀ ଜିଲ୍ଲାର ଆଶିଷ କୁମାର ବେହେରା ।
ସୂଚନା ଯୋଗ୍ୟଯେ, ଆଗକୁ ପାର୍ବଣ ଋତୁ ଆସୁଥିବାରୁ ରାଜଧାନୀରେ ପୁଲିସ ଦାଦାବଟି ଓ ଲୁଟ୍ ପାଟ୍ ଆରମ୍ଭ କଲେଣି ଲୋକାଲ ଦାଦା ମାନେ । ଚାନ୍ଦା ନ ଦେଲେ ଜୋରଜବରଜସ୍ତ ଆକ୍ରମଣ କରି ବେକଳେ ମାରଣାସ୍ତ୍ର ଲଗାଇ ଲୁଟି ନେଉଛନ୍ତି ଟଙ୍କା, ସୁନା । କିନ୍ତୁ କମିଶନରେଟ୍ ପୁଲିସ ପାର୍ବଣ ସମୟରେ ଦାଦାବଟି କୁ ନାଁ କରିଛି । ହେଲେ ମଧ୍ୟ ଲୋକାଲର କିଛି ଅସମାଜିକ ଓ ଦାଦା ମାନେ ରାତିରେ ଲୋକଙ୍କ ଠାରୁ ଏକା ଦେଖି ଜୋରଜବରଜସ୍ତ ଚାନ୍ଦା ଆଦାୟ ଚଳାଇଛନ୍ତି । ସେହିଭଳି ରବିବାର ରାତି ୧୧ରେ ଅଭିଯୋଗକାରୀ ଜଗନ୍ନାଥ ସାହୁ ତାଙ୍କ କାରରେ ଲକ୍ଷ୍ମୀସାଗର ଘରକୁ ଫେରୁଥିଲେ । ଏହି ସମୟରେ ୨ ଜଣ ଅଭିଯୁକ୍ତ ଏକ ପଲସର ବାଇକରେ ଆସି ତାଙ୍କୁ କଟକ ରୋଡ଼ରେ ଅଟକାଇଥିଲେ । ପରେ ତାଙ୍କୁ ଗାଳିଗୁଲଜ କରିବା ସହ ବେକରେ ଭୁଜାଲି ଲଗାଇ ତାଙ୍କ ଠାରୁ ୟୁପିଆଇ ଜରିଆରେ ୫ ହଜାର ଟଙ୍କା ଲୁଟି ନେଇ ଫେରାର ହୋଇଯାଇଥିଲେ । ଏନେଇ ଅଭିଯୋଗ କାରୀ ଲକ୍ଷ୍ମୀସାଗର ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ୨ ଜଣ ଲୁଟେରାଙ୍କୁ ସିସିଟିଭି ଫୁଟେଜରୁ ଚିହ୍ନଟ କରି ଗିରଫ କରିବାରେ ସଫଳ ହୋଇଛି ।
